SPAK ‘godet’ sërish brenda organeve të vettingut, merr të pandehur komisioneren e KPK Etleda Çiftja

SPAK ka ‘goditur’ sërish brenda organeve të vettingut. Report Tv mëson se me akuzën e falsifikimit të dokumenteve dhe deklarimit të rremë Prokuroria e Posaçme ka marrë të pandehur komisioneren e Komisionit të Pavarur të Kualifikimit, Etleda Çiftja.

Çiftja bëhet e treta që del para bankës së të akuzuarve pas gjyqtarëve të Kolegjit të Posaçëm të Apelimit, Luan Daci dhe Ardian Hajdari. Ashtu siç ka ndodhur më herët me 2 rastet e para, edhe për Komisioneren e KPK pritet që të merret masa e pezullimit nga detyra.

Kujtojmë se në muajin shkurt, pak ditë pasi u mor i pandehur nga SPAK, anëtari i Komisionit të Posaçëm të Apelimit (KPA), Ardian Hajdari është pezulluar nga detyra. Vendimi është marrë në mbledhjen e Gjyqtarëve. Hajdari është kallëzuar penalisht në qershor 2020 nga ish-magjistratët Antoneta Sevdari, Elsion Sadiku dhe Ervin Metalla.

I njëjti kallëzim është bërë edhe për i ish-anëtarin tjetër të KPA-së, Luan Daci, i cili tashmë ka marrë dënimin nga GJKKO dhe më pas u shkarkua nga detyra. Ai u dënua me 6 muaj burg konvertuar në një vit shërbim prove dhe kushtin që mos ushtrojë funksione publike.

K.T./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • albanezi: 04/06/2022 19:40

    Turp e faqja e zeze. Cfare besimi kemi tani kur nje nga anetaret i ketij Keshilli eshte e korruptuar. Kurre nuk do behemi njerez.

    Përgjigju
  • dua: 04/06/2022 14:45

    Jo vetem shoket e shoqet e tyre por edhe ato qe paguajtne shuma marramendes se e sa raste qe di une po sa te tjere qe nuk di, pastaj keto diheshin me nga nje cen duhet te ishin se keshtu i perdore me mire politike.

    Përgjigju
  • Kaso: 04/06/2022 14:20

    Ca pret. Dukej nga vendimet skandaloze qe jepnin. Duke konfirmuar shoket dhe shoqet e tyre te korruptuara.

    Përgjigju
  • Sondazhi i ditës:

    Rikthimi i PD-së me protesta në shtator, a do ta forcojë politikisht?



×

Lajmi i fundit

U ndërpre energjia gjatë koncertit të Noizy? Reagon OSHEE: Ra automati nga pajisjet brenda regjisë

U ndërpre energjia gjatë koncertit të Noizy? Reagon OSHEE: Ra automati nga pajisjet brenda regjisë