SPAK në Prokurorinë e Gjirokastrës, sekuestron 6 dosje hetimore! Institucuoni i akuzës e mohon: Nuk është e vërtetë

SPAK në Prokurorinë e Gjirokastrës, sekuestron 6 dosje hetimore! Institucuoni i akuzës e mohon: Nuk është e vërtetë

SPAK

SPAK ka zbarkuar sot në prokurorinë e Gjirokastrës, ku burimet thonë se ka sekuestruar 6 dosje hetimore. Agjentë të Byrosë Kombëtare të Hetimit me urdhër të SPAK kanë bllokuar në Prokurorinë e Gjirokastrës dhe kanë marrë 6 dosje, por për shkak të hetimit nuk bëhen me dije detaje të tjera se për çfarë dosjesh bëhet fjalë.

Por Prokuroria e Gjirokastrës përmes një reagimi për mediat e ka përgënjeshtruar këtë lajm. Sipas Prokurorisë ky lajm është tërësisht i pavërtetë.

"Prokuroria pranë Gjykatës së Shkallës së Parë Gjirokastër, në përgjigje të interesimit të gazetarëve në lidhje me lajmin e shpërndarë sot, sipas të cilit hetues nga Byroja Kombëtare e Hetimit kanë sekuestruar disa fashikuj të çështjeve penale të caktuara pranë kësaj prokurorie, çmon të nevojshme që nëpërmjet kësaj deklarate, të sqarojë publikun se një lajm tillë i shpërndarë nëpërmjet portaleve apo mediave të caktuara, nuk është aspak i vërtetë. Prokuroria pranë Gjykatës së Shkallës së Parë Gjirokastër garanton publikun se do të vazhdojë veprimtarinë e saj, në përputhje me detyrimet kushtetuese dhe legjislacionin në tërësi", shprehet në një deklaratë për mediat drejtuesi i Prokurorisë së Gjirokastrës, Julian Çafka.

Edhe para disa ditësh SPAK zbarkoi në zyrat e Arsimit në Dibër. Për shkak të korrupsioni për punësimet në zyrat arsimore. Në pranga ranë Fitim Farruku, shefi i Financës së Këshillit të Qarkut dhe Halit Shehu, specialist Pyjesh, ndërsa Report TV ka zbardhur edhe skemën e korrupsionit që këta persona përdorën për një vend pune si mësues në Dibër. 

/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet