POP 5

Lajmet më të lexuara të 5 minutave të fundit

Kronikë

Laboratori i kokainës në Fier/ Në pritje të letërposorisë nga Kolumbia, zgjaten me 3 muaj hetimet! U sollën 430 kg kokainë e perzier me pleh kimik

Gjykata e Posaçme, me kërkesë të SPAK ka zgjatur edhe më 3 hetimet për laboratorin e drogës në Fier.

Thasët me pleh kimik erdhën nga Kolumbia në portin e Tivarit në Mal të Zi, me destinacion final Frakullën e Fierit. Por, informacionet e SPAK dhe policisë ishin se brenda tyre ishin përzyer jo pak, por rreth 430 kg lëndë narkotike kokainë.

Operacioni u zbërthye orët e mbrëmjes së 24 nëntorit të 2022 dhe në pranga ranë 10 persona, në mesin e tyre edhe Viktor Cervanaku, ish-kryetar i komunës Frakull, dhe 5 të tjerë në kërkim.

Tashmë kur po bëhen 9 muaj nga zbulimi i sasisë së madhe të kokainës, SPAK i kërkoi Gjykatës së Posaçme zgjatje me 3 muaj të afateve të hetimit, me pretendimin se është në pritje të letërporosive të nisura në drejtim të Kolumbisë, përgjigjet e të cilave akoma nuk kanë mbërritur.

SPAK u ka kërkuar autoriteteve kolumbiane informacione më të detajuara të nisjes së sasisë së madhe të drogës. Kërkesa u mor parasysh nga gjykata, e cila vendosi zgjatje të hetimeve edhe më 3 muaj.

Porosia e plehut kimik me kokainë brenda ishte bërë në emër të vëllait të ish-kryekomunarit Viktor Çervanaku, Zenel Çervanaku, ndërsa të përfshirë ishin edhe anëtarë të tjerë të familjes së tij.

Banesa e ish-kreut të komunës Frakull nuk do të shërbente vetëm për mbajtjen e plehut kimik të përzier me kokainë, por edhe për ndarjen e tij, duke ngritur kështu një laborator të specializuar kimik.

Në kërkim është edhe shtatasi kolumbian i cili kishte mbërritur në vendin tonë për të bërë ndarjen e kokainës nga plehu kimik, proces që shqiptarët nuk mund ta bënin dot.

Të arrestuarit kundërshtuan të kenë pasur dijeni për kokainën dhe kërkuan ekspertim, rezultati i së cilës konfirmoi se në thasët me pleh kimik kishte 485.5 kg lëndë narkotike.

Në operacionin e 24 nëntorit 2022 ka pasur të shtëna me armë zjarri në drejtim të punonjësve të policies dhe për këtë arsye u vendos ndërhyrje.

S.G/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A besoni se do realizohet vota e diasporës për zgjedhjet e ardhshme?

Lajme të tjera



×

Lajmi i fundit

Prostitucion homoseksual në Tiranë, i zbuloi klienti italian! Detaje si policia ra në gjurmët e këtij rrjeti

Prostitucion homoseksual në Tiranë, i zbuloi klienti italian! Detaje si policia ra në gjurmët e këtij rrjeti

3 Maj, 13:55