Spanjë, drejtuesi i ETA
dënohet me 105 vjet burg

Ish-drejtuesi i lartë i grupimit terrorist bask, ETA, Francisco Javier Garsia Gaztelu u dënua ditën e hënë me 105 vjet heqje lirie, për komplot për vrasjen e një politikani.

Ky ishte vendimi i parë që Gjykata Kombëtare merrte në shqyrtim një antar të organziatës separatiste baske, që prej deklarimit të shpërbërjes së organizatës, më parë gjatë tetorit. Pavarësisht dënimit me më shumë se një shekull burg, Francisco Javier Garsia Gaztelu ka shanse të lirohet përpara fundit të jetës, pasi në bazë të ligjit spanjoll, masa më e gjatë që mund të vuajë një njeri në burgim është prej 40 vitesh.

I pandehuri, i konsideruar nga autoritetet si “shefi ushtarak” i ETA-s, u arrestua në vitin 2001, pasi vrau me një autobombe politikanin socialist bask, Fernando Buensa, së bashku me truprojën e tij.