Balla 'përvojë spanjolle' për policinë rrugore shqiptare, kamerat e trupit Live për ngjarjet

Gjatë vizitës që po zhvillon në Spanjë, Ministri i Brendshëm Taulant Balla është interesuar për organizimin dhe praktikat e punës së policisë rrugore.

Gjatë një bisede me patrullën e Policisë Rrugore të Madridit, ministri Balla u informua në lidhje me menaxhimin e trafikut si dhe u njoh me pajisjet që ata përdorin për monitorimin e trafikut, kamerat e trupit, mjetet elektrike, pajisjet për kontrollin e pijeve alkoolike etj.

Ekspertët i shpjeguan ministrit dhe delegacionit shqiptar që përbëhej nga zyrtarë të lartë të Policisë, se për menaxhimin e trafikut rrugor në Madrid, Policia Kombëtare spanjolle bashkëpunon me Policinë Bashkiake, sidomos në rast eventesh të mëdha.

Sa i përket sistemeve dhe pajisjeve që përdoren për monitorimin e trafikut, përkatësisht identifikimin e shkeljeve të ndryshme dhe sistemin e gjobave, punonjësit e Policisë rrugore spanjolle thanë se ato janë të lidhura online dhe të aksesueshme në kohë reale. 

"Kamerat e trupit regjistrojnë automatikisht kur ka një ngjarje dhe janë të lidhura online në Icloud. Çdo punonjës ka kamerën e vetë, me të cilën regjistron njëkohësisht ngjarjen, nga kënde të ndryshme”, shpjeguan policët spanjollë.

Ministri Balla u interesua edhe për pajisjet dhe metodat e kontrollit për drejtuesit e mjeteve që konsumojnë pije alkoolike apo substanca të ndaluara dhe me këtë rast atij iu demonstrua edhe funksionimi i pajisjes.

Ministri Balla po zhvillon një vizitë zyrtare në Spanjë, ku do takohet  me homologun e tij, Ministrin e Brendshëm të Spanjës Fernando Grande-Marlaska dhe drejtues të lartë të Policisë Spanjolle.

G.K/S.Ç/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 18/05/2024 01:42

    Seriozisht e keni z.Balla?! Shkuat deri ne Spanje per te pare si funksionojne kamerat trupore?! Policia shqiptare i ka pas ne perdorim per disa vjet,pastaj nuk u degjua me per to.E cuditeshme pse?! Gjithashtu dhe aparatet per matjen e alkoolit e shpejtesise jane prezente ne Shqiperi.Cfare kane menduar spanjollet kur kane pare min.e brendshem shqiptar te interesohet per funksionimin e pajisjeve qe policia shqiptare i ka ne perdorim e inventar?!

    Përgjigju
  • Sondazhi i ditës:

    Shqipëria luan ndaj Kroacisë sfida e dytë në Euro 2024, kush fiton?



×

Lajmi i fundit

Euro 2024/ Nesër Kroaci-Shqipëri, tifozët optimistë: Rezultati 0-3, presim maksimumin nga Hysaj

Euro 2024/ Nesër Kroaci-Shqipëri, tifozët optimistë: Rezultati 0-3, presim maksimumin nga Hysaj