POP 5

Lajmet më të lexuara të 5 minutave të fundit

Sociale

SPAR Albania hap rrjetin e
supermarketeve dhe hipermarketeve 

Gjigandi i supermarketeve SPAR, një ndër markat më të njohura botërore dhe lider në vendet e Europës Perëndimore të tregtimit me pakicë, pjesë e retailit të organizuar, tashmë është një realitet i prekshëm për publikun shqiptar.
SPAR Albania hap rrjetin e<br />supermarketeve dhe hipermarketeve 
Gjigandi i supermarketeve SPAR, një ndër markat më të njohura botërore dhe lider në vendet e Europës Perëndimore të tregtimit me pakicë, pjesë e retailit të organizuar, tashmë është një realitet i prekshëm për publikun shqiptar.

Duke filluar nga data 7 Tetor, supermarketet SPAR në të gjjithë rrjetin aktual dhe Hipermarketet INTERSPAR në TEG dhe QTU do të mirëpresin klientet e tyre. Çfarë e karakterizon SPAR, ndryshe nga të gjithë supermarketet e tjera në vend janë mbi 3000 produkte të reja të importuara direkt nga Italia, Gjermania, Austria e Hollanda, produkte të garantuara, ruajtja e tyre sipas standardeve europiane, që nga transporti, magazinimi dhe vendosja në raft. Mbështetja e prodhuesve vendas, produkteve shqiptare të freskëta dhe cilësore, është një ndër prioritetet e SPAR Albania.

Unik në vlerat që përfaqëson, i dalluar për cilësinë e lartë të produkteve, standardin e jashtëzakonshëm të shërbimit, kujdesin dhe vëmendjen ndaj klientëve dhe komunitetit, gjigandi ndërkombëtar i produkteve ushqimore është bërë realitet nëpërmjet marrëveshjes së ekskluzivitetit te Grupit Balfin dhe SPAR International.
 
Plani i SPAR është tashmë një plan tejet agresiv, i cili konsiston në zgjerimin e rrjetit me 100 supermarkete dhe 10 hipermarkete të reja duke u kthyer në rrjetin më të madh të produkteve ushqimore dhe të konsumit jo vetëm në tregun shqiptar, por njëkohësisht duke synuar edhe rajonin. Investimi synon të kapë vlerën e 50 milion €.

Njëkohësisht, SPAR international ka vlerësuar fuqinë dhe planin e investimit të SPAR Albania duke bërë të mundur ardhjen në Shqipëri të këtij gjigandi botëror. Ajo që është e veçantë është fakti që SPAR nuk është akoma prezent edhe në tregje më të mëdha se Shqipëria, siç është Rumania, Serbia, Bullgaria etj, gjë e cila tregon besimin e madh që SPAR International ka tek Grupi Balfin, pjesë e të cilit është edhe SPAR Albania.
 
Drejtori i Përgjithshëm i SPAR Tobias Wasmuht thotë “Ky partneritet me grupin lider të biznesit në Shqipëri, Balfin, është një shembull fantastik i asaj që SPAR mund t’u ofrojë partnerëve të tij. Formati modern i retailit, rrjeti i furnzimit dhe burimet ndërkombëtare si dhe investimet në trajnime dhe zhvillimin e punonjësve vendas do të luajnë rol vendimtar në zhvillimin dhe rritjen e SPAR si dhe do të ndihmojë tregun shqiptar të tregtisë së retailit të organizuar. Ne tashmë jemi duke punuar me Grupin Balfin për ta zgjeruar këtë partneritet” .
 
Duke folur për marrëveshjen e lidhur me SPAR, Julian Mane, Zv. President i Grupit Balfin për Retailin e Organizuar  thotë: “Ne jemi shumë të kënaqur nga partneriteti me SPAR International. Investimet tona shumë million euro dhe planet për zgjerim janë bazuar në besimin që ne kemi mbi atë që ofron emri SPAR. Rritja e pritshme e tregut Shqiptar dhe aftësitë tona të padiskutueshme logjistike dhe shpërndarëse e forcojnë më tej këtë bashkëpunim. I sigurojmë konsumatorët Shqiptarë që në të gjitha hipermarketet INTERSPAR dhe supermarketet SPAR do të gjejnë hapësira moderne, produkte të shkëlqyera, çmime të arsyeshme dhe mbi të gjitha një shërbim të shkëlqyer të klientit”
 
Njëkohësisht, SPAR Albania njofton se më datë 6 Tetor, do të organizohet eventi VIP i ceremonisë së hapjes zyrtare të SPAR në Shqipëri, ku do të marrin pjesë autoritetet më të larta shtetërore, përfaqësues të trupit diplomatik në vend, drejtues të medias, të institucioneve partnere, përfaqësues të komunitetit të biznesit, etj. Ndërsa më datë 7 Tetor Supermarketet SPAR dhe Hipermarketet INTERSPAR do të mirëpresin konsumatorët shqiptarë.
 
Grupi Balfin
Balkan Finance Investment Group është një ndër grupet private investuese më të mëdha në Shqipëri dhe rajon. Portofoli i investimeve të Grupit mund të kategorizohet në aktivitete për zhvillimin e pasurive të paluajtshme, shitje me pakicë, menaxhim i hapësirave tregtare apo industriale, shërbime, telekomunikacion, fincancim i konsumatorëve, industri minerare, turizëm dhe agrikulturë. Balfin Group është një aktor kryesor në tregjet shqiptare dhe ato ndërkombëtare duke vepruar në 10 vende.
 
Kush është SPAR International
SPAR është themeluar në vitin 1932 nga Adriaan van Well nën moton DE SPAR “Door Eendrachtig Samenwerken Profiteren Allen Regelmatig,” - “të gjithë do të përfitojnë nga kooperimi i përbashkët”. Prej asaj kohe SPAR vazhdon ekspansionin duke u shtrirë në më shumë se 44 vende të ndryshme të botës përfshirë kontinentin e Europës, Australisë, Afrikës dhe Azisë. Çdo ditë 12.176 dyqane SPAR vizitohen nga më shumë se 13 milion klientë me një xhiro prej mbi 30 miliardë EURO.
 
Për çdo informacion kontaktoni me:
e.kasmi@balfin,.al
[email protected]
 

spar

spar

Redaksia Online
(F.T/shqiptarja.com)

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Neymar do të bëhet baba për herë të katërt (VIDEO)

Neymar do të bëhet baba për herë të katërt (VIDEO)

26 Dhjetor, 18:21