Receta

Speca të kuqe të zhytura në kos me miell nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 21 Janar, 11:35 | Përditesimi: 21 Janar, 11:37

Speca të kuqe të zhytura në kos me miell

Përbërësit:

4 speca të kuq
300 gr kos natyral
2 lugë gjelle miell
1 thelpi hudhër
2 kokrra vezë
2 lgj vaj ulliri
Kripë, piper i zi
Pak majdanoz i freskët

Përgatitja:

LEXO EDHE:
Qofte të shuara me birrë në salcë të bardhë nga zonja Albana

Lajmë mirë specat dhe heqim farat e brendshme. I pjekim në furrë ose i kaurdisim në një tigan me pak vaj, derisa lëkura e tyre të zbutet dhe të marrë pak ngjyrë të artë. Pasi të ftohen pak i presim në shirita ose copa të mesme. Në një tas rrahim vezët mirë me një pirun ose tel kuzhine. Shtojmë miellin gradualisht, duke e përzier për të shmangur krijimin e kokrrizave. Hedhim kosin, hudhrën e shtypur dhe e përziejmë derisa të bëhet një masë e njëtrajtshme. Rregullojmë shijen me kripë dhe piper. Në një tigan të thellë ose tavë, vendosim specat e pjekur. Hedhim sipër përzierjen e kosit dhe miellit, duke u siguruar që specat të jenë të zhytur mirë në të. E lëmë të gatuhet në zjarr të ulët për 10-15 minuta, duke e përzier herë pas here që të mos ngjitet. Sipas dëshirës mund t'a shërbejmë me pak majdanoz të freskët.

MC/Shqiptarja.com

TAG:

zonjaalbana
speca te kuqe te zhytura ne kos me miell
Receta te shpejta
gatime shtepie
shije

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com