POP 5

Lajmet më të lexuara të 5 minutave të fundit

Shëndeti

Spitalet, mjekët e infermierët
pa rroga: Do bllokojmë punën

Dymbëdhjetë mijë mjekë dhe infermierë paralajmërojnë se të hënën do të zhvillojnë një protestë deri në bllokimin e punës nëse në llogaritë e tyre bankare nuk do të kalojë paga e muajit dhjetor. “Deri dje kemi pasur shpresa tani nuk kemi më, dhe nëse deri të hënën nuk kanë kaluar rrogat në llogari bankare ne do të bëjmë protestë deri në bllokimin e punës” deklaroi Sabri Skënderi.
TIRANE- Presidenti i Urdhrit të Infermierit të Shqipërisë paralajmëron protestë nëse deri të hënën në llogaritë bankare të mjekëve dhe infermierëve nuk do të kalojnë pagat.

“Deri dje kemi pasur shpresa tani nuk kemi më, dhe nëse deri të hënën nuk kanë kaluar rrogat në llogari bankare ne do të bëjmë protestë deri në bllokimin e punës” deklaroi Sabri Skënderi Presidenti i Urdhrit të Infermierit të Shqipërisë, në një prononcim për “shqiptarja.com”.

Zoti Skënderi shton se është rënë dakord që në këtë protestë të përfshihen të gjithë mjekët dhe infermierët e të gjithë spitaleve rajonale.

Në të gjithë vendin janë 12 mijë mjekë dhe infermierë, të cilët ende nuk kanë marrë pagën e muajit dhjetor.

Vetëm në Qendrën Universitare Spitalore "Nënë Tereza" janë rreth 2700 mjekë, infermierë, sanitare dhe administratë, të cilët duhet t'i kishin marrë pagat që me datë 3 ose 4 janar.
(sg/shqiptarja.com)

/Shqiptarja.com
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Turqia do të furnizojë me energji elektrike Sirinë, kërkon të shfrytëzojë naftën dhe gazin natyror

Turqia do të furnizojë me energji elektrike Sirinë, kërkon të shfrytëzojë naftën dhe gazin natyror

27 Dhjetor, 18:55