POP 5

Lajmet më të lexuara të 5 minutave të fundit

Politikë

'Spitali COVID 4 mashtrimi i qeverisë në ikje', Pampuri: Faturën do ta pagujnë shqiptarët

'Mijëra pacientë të “Shefqet Ndroqit” dhe familjet e tyre do të paguajnë faturën e mashtrimit të qeverisë në ikje,'-thotë ndër të tjera Pampuri.

Rama ka mashtruar shqiptarët me spitalin COVID 4. Ky është pretendimi i nxjerrë nga ish-deputetja e PD-së Oriola Pampuri në një komunikim të saj. Ajo thotë se ndodhet në atë që qeveria e shpalli spitali COVID 4 më 2 qershor, por dera e tij sot është e kyçur dhe jashtë funksionit. Faturën e kësaj gënjeshtre sipas Pampurit do ta pagujnë shqiptarët, të cilët për më tepër po përballen me vështirësitë e mbylljes së spitalin Shefqet Ndroqi, që tani është kthyer në COVID 2.

"Ndodhem sot tek godina që kryeministri në ikje dhe Ministrja e Shëndetësisë e inauguruan me bujë si spitalin Covid 4. Një muaj më parë, propaganda e qeverisë në ikje ua shiti shqiptarëve këtë godinë si një strukturë spitalore që do të ndihmojë spitalin infektiv për të përballuar një fluks të mundshëm pas rihapjes. Fluksi ka ndodhur në përmasa të frikshme dhe jashtë kontrollit, por kjo godinë spitalore nuk është gati për të kryer funksionin e saj mbështetës, siç premtoi kryeministri dhe Ministrja e Shëndetësisë.  Asgjë nga ato që u shfaqën në ERTV në 2 qershor, nuk është në funksion. Gjithçka është një mashtrim. Dëgjojeni vetë kryeministrin në ikje që gënjente pa turp në 2 Qershor.

Është e qartë që kryeministri në ikje ka gënjyer shqiptarët, i ka bërë të besojnë se kemi kapacitete të reja për të përballuar fluksin. Asgjë nuk ka ndodhur nga ato që premtoi Edi Rama. Struktura e re spitalore, COVID 4 është e kyçur dhe jashtë funksionit. Faturën e kësaj propagande do ta paguajnë mijëra pacientë që marrin shërbim tek spitali Shefqet Ndroqi, i cili është vendosur të rikthehet në spital COVID. Ky ishte plani i vetëm i kësaj qeverie të falimentuar për të përballuar fluksin në rritje - heqja e shërbimit të duhur spitalor për mijëra pacientë, të sëmurë kronikë, shpeshherë rëndë. Duke rikthyer sanatoriumin në COVID, të sëmurët nuk do të kenë më mundësinë të marrin trajtime të specializuara tek sanatoriumi, pasi qeveria do ta izolojë spitalin për të infektuarit me COVID.

Qeveria e Edi Ramës është pa asnjë plan për të përballuar situatën, që është në gje dje të lirë. Qeveria është dorëzuar. Kryeministri në ikje nuk e ka shtuar fondin për shëndetësinë as në buxhetin e rishikuar pra pak ditësh. Shqipëria ka nevojë të rrisë nunrin e testimeve, të rrisë kapacitetet laboratorike, pasi 4 muaj pas shpërthimit të epidemisë, vazhdohet që të punohet me 1 laborator të vetëm. Mungesa e një strategjie ka bërë që Shqipëria të jetë në 15 vendet e para në Europë me numrin më të lartë të të infektuarve për 1 milionë banorë. Është e pafalshme që qeveria është shndërruar në mbajtëse statistikash dhe nuk thotë çfarë plani ka për të vënë nën kontroll situatën e rënduar.

Jeta dhe shëndeti i qytetarëve vlejnë më shumë se pushteti i Edi Ramës. Duke u fshehur, nuk fsheh problemin, por e përkeqëson atë. U bëj thirrje qytetarëve të marrin masa për të ruajtur vetë jetën e tyre. Të përdorin maskat në mjedise të mbyllura, të ruajë distancën. Është shërbimi më i mirë që mund të bëjnë për veten, pasi qeveria nuk do t’ia dojë për ta. Mashtrimi me këtë spital fantazëm është një provë tjetër për këtë,"-thotë Pampuri.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Daku: 19/07/2020 15:31

    Po mir moj thumbi e morem vesh...po juve cfar posti ju kan afruar...do hapet nje ministri e re ka then gazi..

    Përgjigju
  • vera: 15/07/2020 00:45

    IK moj trularaske,,,si mund te futen ne politike keta njerez ordinere e debile..

    Përgjigju
  • Lala: 14/07/2020 17:53

    Nuk flet për jetën dhe shëndetin e popullit vrasësi i tijë. Si vratë popullin dhe Shqipërinë mbarë nuk ju beson mjeri më moj zonjë (të themi) se ofendojmë zonjat.

    Përgjigju
  • Hahaaas: 14/07/2020 14:29

    Rama ne ukje Basha ne pjerdhje.. u ftofsh ne tajare o Pampur

    Përgjigju
  • hajt mo: 14/07/2020 13:41

    Kryeministri ne ikje?! E kush na qenka ne ardhje, Basha?!! Come on, mos na fyej inteligjencen.

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Fiton lotarinë kombëtare, britaniku ia kalon në pasuri edhe Dua Lipas e Adele

Fiton lotarinë kombëtare, britaniku ia kalon në pasuri edhe Dua Lipas e Adele

18 Dhjetor, 15:16