Spitali më i madh i Gazës drejt kolapsit: Situata është katastrofike, rrezikojnë vdekjen qindra pacientë

Spitali më i madh i Gazës është vetëm pak orë larg nga mosfunksionimi i gjeneratorëve të tij. Në një intevistë për Sky News Dr. Omar Abdel-Mannan tha se ai ka qenë në kontakt me profesionistë mjekësorë në Spitalin Al Shifa në bazë të përditshme dhe situata është katastrofike. 

"Shqetësimi më i madh që pata mbrëmë ishte mesazhi i fundit që mora nga një koleg ishte se ata ishin disa orë larg gjeneratorëve në spitalin al Shifa, nuk punonin më", tha Omar.

LEXO EDHE:
Izraeli depërton më thellë në Rafah, Hamasi rigrupohet në pjesët e tjera të Gazës

Duke shpjeguar se çfarë do të thotë kjo, ai tha se dritat do të fiken, ventilatorët do të ndalojnë së punuari, foshnjat e lindura para kohe do të vdesin dhe ata që bëjnë dializë në baza ditore do të vdesin. 

“Kjo është sinqerisht një katastrofë humanitare përtej çdo gjëje që kemi parë në historinë e fundit”, tha Omar.

Ai tha se ka parë foto të fëmijëve me gjymtyrë të copëtuara, trupa të gjymtuar, djegie në fytyrat e tyre dhe se nuk ka asnjë ilaç në dispozicion për t'u dhënë atyre. 

Lajmi kryesor:

Lufta/ OKB: Bastisjet në Jabalia mund të përbëjnë krime lufte! 4 italianë largohen nga Gaza, Tajani: Janë mirë

S.S/Shqiptarja.com

TAG:
• sulmohet izraeli