POP 5

Lajmet më të lexuara të 5 minutave të fundit

Politikë

'Spiun i Sigurimit', 'Kapter': Dy zyrtarët e lartë të PD-së përplasen në Gjykatë

Përplasja mediatike mes ish-kreut të PD-së për qarkun Shkodër, Romeo Gurakuqi dhe ish-presidentit Bujar Nishani tashmë është zyrtarizuar në Gjykatën e Tiranës. Ka nisur procesi gjyqësor, pas padisë së bërë nga historiani e pedagogu i njohur, ndërkohë që ka edhe një proces tjetër si pasojë e padisë së Nishanit, duke çuar kështu numrin e dy proceseve gjyqësore për një çështje.

'Spiun i Sigurimit', 'Kapter': Dy zyrtarët e lartë të PD-së përplasen në Gjykatë

Bujar Nishani dhe Romeo Gurakuqi

Përplasja mediatike mes ish-kreut të PD-së për qarkun Shkodër, Romeo Gurakuqi dhe ish-presidentit Bujar Nishani tashmë është zyrtarizuar në Gjykatën e Tiranës. Ka nisur procesi gjyqësor, pas padisë së bërë nga historiani e pedagogu i njohur, ndërkohë që ka edhe një proces tjetër si pasojë e padisë së Nishanit, duke çuar kështu numrin e dy proceseve gjyqësore për një çështje.

Gjithçka filloi vitin e shkuar, kur Nishani ishte pjesëtar i ekipit të caktuar nga Basha për të përzgjedhur kandidatët për deputetë, ku edhe pse kishte kërkesa të shumta nga baza, Romeo Gurakuqi nuk u përzgjodh.

Kreu politik i qarkut të Shkodrës kritikoi ashpër ish-presidentin në media, i cili u kundërpërgjigj akoma më ashpër kur tentoi të baltosë imazhin e deputetit të PD-së, duke përdorur të pavërteta, numra kartelash e ngjarjesh që nuk kishin fare lidhje me Gurakuqin.

Më pas Nishani deklaroi se nuk kishte gjë personale me deputetin e PD-së, por kishte folur “në përgjithësi”.

Por deputeti i PD-së, mori menjëherë shkresën nga Autoriteti i Dosjeve, që e nxirrte të pastër dhe e paditi në gjyq ish-presidentin, i cili në atë kohë përveç si anëtar i grupit të përzgjedhjes së kandidatëve, ishte edhe kryetar i Këshillit Kombëtar të PD-së.

Pasi u padit zyrtarisht, Nishani kreu një kundërpadi ndaj historianit, padi që si bazë të saj ka deklaratën e Nishanit që ai nuk ka pasur asgjë me Gurakuqin, ndaj nuk ka përse paditet.

Kjo metodë është e njohur në procedurat e padisë së politikanëve, që përbën një manovër për të mbyllur çështjen nga pala tjetër, duke e shantazhuar me proces paralel.

Seanca e parë e zhvilluar është shtyrë, pasi Nishani nuk është paraqitur në gjykatë.

Gurakuqi, kërkoi përjashtimin e gjyqtarit të caktuar për procesin Llazër Sallaku, por kjo kërkesë nuk është pranuar./ TemA

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46