POP 5

Lajmet më të lexuara të 5 minutave të fundit

Politikë

Sporti duhet të jetë ‘fair play’, Veliaj nga Parku i Liqenit 'thumbon' Dukën: Beteja sot për çlirimin e sportit nga mafia dhe të paprekshmit

Kryetari i Bashkisë së Tiranës, Erion Veliaj dhe të rinjtë e Këshillit Bashkiak të Tiranës mbollën sot pemë pranë Parkut të Liqenit. Veliaj përmendi faktin se edhe lirimi i hapësirave të zaptuara te liqeni ka qenë një betejë më vetë, ashtu siç është sot beteja me FSHF-në për ëndrrat e fëmijëve të Tiranës.

Kryetari i Bashkisë së Tiranës, Erion Veliaj dhe të rinjtë e Këshillit Bashkiak të Tiranës mbollën sot pemë pranë Parkut të Liqenit. Veliaj përmendi faktin se edhe lirimi i hapësirave të zaptuara te liqeni ka qenë një betejë më vetë, ashtu siç është sot beteja me FSHF-në për ëndrrat e fëmijëve të Tiranës. 

“Sot kemi marrë mbrapsht gjysmën e Liqenit, që ishte abuzuar dhe zaptuar. Është një metaforë edhe për betejat që po bëjmë sot. Koha më e mirë për të mbjellë pemë ishte përpara 20 vjetësh, por koha e dytë më e mirë për të mbjellë një pemë është sot. Koha më e mirë për të çliruar sportin nga mafia ishte para 20 vjetësh, kur u zgjodh mafia në krye të sportit. Por, koha e dytë më e mirë për t’u marrë me këtë punë është sot. Kështu që, asnjëherë nuk është vonë për të bërë gjënë e drejtë dhe gjënë e duhur. Ikja e betoniereve ishte gjithashtu një betejë. Nuk është se qyteti na ka lënë një javë pa betejë, por kjo është beteja e radhës. Ndaj, besoj fort se duhet të japim një shembull që në këtë qytet nuk zotëron mafia, nuk zotëron një bandë nga Shijaku, dhe çudirat që po dëgjojmë prej asaj bande”, theksoi Veliaj. 

Më tej, kryebashkiaku nënvizoi se do e vazhdojë këtë betejë deri në fund, sepse sporti duhet të jetë “fair play” dhe jo një bandë e paprekshme nga askush. 

“Ti mund të jesh i pavarur, por nuk mund të jesh i paprekshëm! Ti duhet të tregosh ku shkuan paratë e FIFA-s dhe UEFA-s. Për sa kohë që Bashkia e Tiranës bën terrene të tilla, si këto fushat ngjitur, si fushat lart në kodër, që ia merr zaptuesit dhe ia kthen qytetit, unë do vazhdoj ta bëj këtë betejë për mijëra fëmijë. Dje më kanë shkruar mijëra prindër, nëna dhe baballarë, të cilët ndihen të poshtëruar dhe të fyer që kursimet e tyre - 20 apo 30 mijë lekë çdo muaj - për të çuar djalin në futboll, i pastron si para pularia e Shijakut. Unë nuk do të dorëzohem nga kjo betejë dhe nuk do tutem në emër të këtyre familjeve, që besojnë që jeta duhet të ketë fair play. Sporti duhet të ketë fair play, studentët duhet të kenë fair play, një fëmijë i vogël meriton fair play”, u shpreh Veliaj. 

Në fund kreu i Bashkisë bëri një paralelizim, kur tha se “Kjo pemë ndoshta nuk do të bëjë asnjë hije sot, por do bëjë hije për të gjithë fëmijët tanë nesër. Të paktën, kur të shkruhet historia e qytetit, të kemi mundësi që betejat që bëmë sot, njësoj si këto pemë që mbollëm, të shërbejnë për t’ia hapur rrugën dikujt tjetër, që nesër ta ketë më të lehtë”.

 

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Maksi: 26/01/2022 17:04

    Asnje fushe sporti nuk eshte bere ne shqiperi,,e per kete e ka fajin duka,,,ky pis I poshter....

    Përgjigju
  • Projekti: 26/01/2022 15:24

    Nxire projektin e kompleksit të kullave te stadiumi dinamo plako…ta shohim se ça mrekullie ke në plan për qytetin…

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

VIDEO/ Atentati në Vlorë, policia lëviz automjetin e djegur të autorëve

VIDEO/ Atentati në Vlorë, policia lëviz automjetin e djegur të autorëve

18 Dhjetor, 23:33