POP 5

Lajmet më të lexuara të 5 minutave të fundit

Kronikë

Spoti për turizmin, KLSH:
Qeveria abuzoi me buxhetin

Qeveria ka abuzuar me spotin për turizmin në 2009 të transmetuar në rrjetin televiziv prestigjioze Euronews. Abuzime janë konstatuar gjithashtu edhe në akivitete të ndryshme qeveritarë, dekore dhe prodhime spotesh që kanë promovuar qeveritarët vitet e fundit.
TIRANE-  Qeveria ka abuzuar me fondet publike në prodhimin e spotit publicitar ku promovohej imazhi turistik i Shqipërisë në 2009 dhe i transmetuar në rrjetet prestigjioze ndërkombëtare televizive. Në një raport  auditimi të KLSH të kryer në kryeministri dhe 6 ministri të tjera konstatohen abuzime dhe shkelje flagrante jo vetem në prodhimin e spotit të shumëpërfolur atëherë dhe të transmetuar në Euronews , por dhe në aktivitete të tjera të qeverisë, dekore dhe prodhime spotesh që kanë promovuar qeveritarët vitet e fundit.

ABUZIMET NE SPOTIN E TURIZMIT
KLSH argumenton se gjatë kontrollit në Ministrinë e Turizmit, Kulturës, Rinisë dhe Sporteve KLSH konstatoi se prodhimi i spotit “Promovimi i Turizmit në Shqipëri” dhe transmetimi I tij në EURO NEWS; si dhe një sërë veprimtarish të ndryshme janë shoqëruar me abuzime dhe mangësi të theksuara në dokumentacion cka lënë shteg për afera .Më konkretisht sipas KLSH:
Grafiku i transmetimit të spotit të shumëpërfolur atëherë paraqitej me gabime ne llogaritje për transmetime e parashikuar në oraret 19.00-22.00

Në raportin e KLSH thuhet se në dokumentacionin e dosjes nuk kishte studim të tregut për të marrë oferta nga operatorë të ndryshëm ndërkombëtare të specializuar për prodhimin e transmetimin e spoteve publicitare, për rrjedhojë nuk ishte bërë analizë për çmimin e prodhimit të spotit.

Raporti I KLSH konstaton gjithashtu se edhe komisioni i përzgjedhjes së fituesit për prodhimin e spotit nuk ishte profesionist, anëtarët e tij nuk ishin punonjës të MTKRS dhe për ta mungonin kontratat e nënshkruara midis palëve, për kryerjen e shërbimit.
Praktika e ndjekur, pa ndonjë argumentim në përcaktimin e fondit të duhur, është në kundërshtim me rregullat e përcaktuara në vendimin e qeverisë së 5 gushtit të 2008.
Krahas mangësive proceduriale në përgatitjen e ftesës për negocim, oferta e rrjetit EuroNeës nuk ishte e përkthyer në gjuhën shqipe, ndërkohë që procedurat zhvillohen në bazë të legjislacioni shqiptar dhe është e domosdoshme që i gjithë dokumentacioni i ofertës të përkthehej në shqip.
KLSH konstaton gjithashti se nuk është respektuar as kontrata e nënshkruar për transmetimin e spotit me kohëzgjatje 30 sekonda nga ana e Euroneës.
KLSH përllogarit se vlera totale për spotet e pa transmetuar llogaritet në 36,250 euro ose 4,456,937 lekë, vlerë kjo e përvetësuar nga Kontraktuesi, e cila përbën dëm ekonomik. Ndërkohë që fondi I akorduar për prodhimin e spotit është 180 mijë euro.
KLSH ngarkon me përgjëgjësi 3 punonjësit e monitorimit të MTKRS.
Dhe kërkon masa disiplinore ndaj tyre dukë përfshirë dhe shkarkim nga detyra.

ABUZIMET NGA MINISTRIA E PUNES NE FESTEN E 1 MAJIT 2010
Edhe aktivitetet e organizuara nga Ministria e PUnës janë shoqëruar me abuzime me pasojë dëme të konsiderueshmë në buxhetin e shtetit
KLSH ka monitoruar spotin publicitar dhe elementë të tjerë dekorativ për festën e 1 Majit të vitit 2010, ku si pasojë e abuzimeve shtetit I është shkaktuar një dëm prej 9.2 miljon lekë.

Spoti në vlerë 19.8 miljon lekë për këtë event u prodhua nga njërez joprofesionistë,kurse dokumentacioni I përzgjedhjes së fituesit ishte me mangësi flagrante.
Asnjë anëtar i komisionit përzgjedhës të fituesit nuk ishte i fushës së artit dhe kulturës- thuhet në raportin e KLSH.
Mungonte llogaritja e fondit si për kohën e transmetimit, tarifat përkatëse etj.
“Në dosjen e këtij eventi, nuk gjendej asnjë dokument ligjor apo ekonomik për llogaritjen e vlerës së fondit limit për 1 televizion kombëtar dhe për dy të tjerët jo kombëtar, si dhe për tarifën e përdorur në llogaritjen e këtij fondi limit. “ thuhet në raportin e auditimit.
N ga Komisioni dhe MPÇSSHB nuk u paraqit asnjë dokument mbi negociatat e kryera dhe dokumentacionin e kryerjes së këtij eventi- citon raporti.
Edhe për këtë rast KLSH rekomandon vec shlyerjes së dëmit edhe shkarkim nga detyra të disa zyrtarëve përgjegjës.
 (ns/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Pezullimi i ndihmave amerikane ndihet në mbarë globin

Pezullimi i ndihmave amerikane ndihet në mbarë globin

28 Janar, 21:07