POP 5

Lajmet më të lexuara të 5 minutave të fundit

Arkiva

Stërvitja “Anakonda-16” në Poloni
marrin pjesë edhe FA shqiptare

Një kompani e Forcave të Armatosura të Republikës së Shqipërisë po merr pjesë në një nga stërvitjet më të mëdha të NATO-s në vitet e fundit, e cila po zhvillohet në Drawsko Pomorskie, Poloni. Në këtë stërvitje Kompania e II-të e Batalionit të II-të të Këmbësorisë (K2B2K) merr pjesë me personelin e saj të plotë prej 127 ushtarakësh.
 
Në kuadër të stërvitjes tepër të madhe dhe të rëndësishme, u realizua edhe një DVD, mbi mënyrën e zhvillimit të kësaj stërvitjeje. Gjatë zhvillimit të DVD-së "Anakonda-16", në Poloni, morën pjesë zv/ministri i Mbrojtjes, z. Petro Koçi, komandanti i Forcës Tokësore, gjeneralbrigade Nazmi Cahani. Skenari i stërvitjes është i fokusuar në operacionet mbrojtëse.
 
Në takimin e zhvilluar me komandantin e Komandës së Bashkuar Operacionale të Forcave të Armatosura Polake, ai shprehu konsideratat më të larta për profesionalizmin e treguar nga Forcat e Armatosura të Shqipërisë duke i quajtur ata luftëtarë, të aftë të kryejnë me sukses çdo detyrë.
 
Në skenarin e përgatitur me rastin e DVD-së, një pjesë e trupave tona ishin caktuar të kryenin detyra në kuadër të batalionit shumëkombësh, në vijën e parë të mbrojtjes.
 
Në ceremoni morën pjesë ministri i Mbrojtjes i Polonisë, Antoni Macierewicz, shefi i Shtabit të Përgjithshëm i FA Polake, gjeneral Mieczysław Gocuł, komandanti i përgjithshëm i Forcave të Armatosura polake, generallejtnant Mirosław Różański. Në DVD mori pjesë edhe komandanti i Komandës Amerikane në Europë, gjenerallejtnant Ben Hodges, i cili gjithashtu vlerësoi profesionalizmin e trupave tanë.
 
"Anakonda - 16" është një stërvitje shumëkombëshe, në të cilën marrin pjesë 31 mijë ushtarakë nga 24 vende aleate dhe partnere. Kjo stërvitje është më e madhja dhe më e rëndësishmja e këtyre 25 viteve për Poloninë.
 
Stërvitja ka filluar me datë 7 qershor. Rreth 3 mijë automjete të tipeve të ndryshme janë në dispozicion të ushatarakëve, duke përfshirë këtu edhe Leopard 2A4 dhe 5 tanke, rreth 105 avionë dhe 12 anije detare të 10 viteve të fundit.
 
Ushtrimi "Anakonda", që nga fillimi i saj, e cila është organizuar në një periudhë çdo dy vite (që nga viti 2006), është përgatitur dhe kryer nga Komanda Operative e Forcave të Armatosura polake. Në stërvitjet e mëparshme: 2006, 2008, 2010, 2012 dhe 2014 kanë qenë rreth 50.000 ushtarë në total.
 
 
 Redaksia Online
(F.T/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Në pranga shoferi i droguar në Vorë, bllokoi rrugën me makinë dhe kërcënoi efektivët

11 Janar, 13:56