Këtë javë është mbledhur Komiteti Ekzekutiv i FSHF-së, i cili ka marrë disa vendime, ku bie në sy edhe ai për stadiumin Arena Kombëtare. Sipas njoftimeve të bëra publike është vendosur që stadiumi i ri kombëtar i ndërtuar në vendin e ish ‘Qemal Stafës’ do të inaugurohet me datë 17 nëntor, ditë në të cilën luhet edhe ndeshja eliminatore e Europianit Shqipëri-Francë.
Në vendimet e tjera thuhet:
Komiteti Ekzekutiv i Federatës Shqiptare të Futbollit zhvilloi këtë javë mbledhjen e rradhës. Nën drejtimin e Presidentit Armand Duka, Komiteti Ekzekutiv ka diskutuar në lidhje me shumë çështje të rëndësishme të përcaktuara në rendin e ditës.
Komiteti Ekzekutiv miratoi propozimin për “Përcaktimin e vlerave të kompensimit për trajnim dhe kategorizimin e klubeve”, duke përmirësuar aktet rregulluese aktuale mbi llogaritjen e kostos së trajnimit. Ky ndryshim erdhi si rrjedhojë e nevojës për të nxitur dhe ndihmuar klubet dhe akademitë sportive në punën e tyre me moshat, në mënyrë që ti jepet përpasi rritjes së lëvizjes futbollistike në të gjithë vendin, dhe vlerësuar e shpërblyer klubet e akademitë që prodhojnë elementë cilësorë. Kostot e Trajnimit janë ndarë në katër kategori, 1, 2, 3 dhe 4, dhe kostot vjetore për trajnim, respektivisht për çdo kategori janë: 30 milionë lekë, 20 milionë lekë, 10 milionë lekë dhe 5 milionë lekë për kategorinë 4.
KE miratoi disa ndryshime në Rregulloren e Aktivitetit të Kategorisë së Dytë, ku pas diskutimeve u vendos që klubet pjesëmarrëse në Kategorinë e Dytë mund të regjistrojnë vetëm 3 lojtarë me banim jashtë Qarkut të cilit i përkasin.
Vllaznia e futbollit të femrave me vendim të Komitetit Ekzekutiv u shpërblye me vlerën e 20 milionë lekëve për arritjen në fazën e 1/32 të UEFA Ëomen’s Champions League, një arritje shumë e madhe kjo për futbollin shqiptar.
Në këtë mbledhje të Komitetit Ekzekutiv u miratua dhe data e përurimit të Stadiumit të ri Kombëtar. Ceremonia inaguruese do të zhvillohet më datë 17 Nëntor 2019, në ndeshjen Shqipëri-Francë.
Lajme të tjera
-
Mbledhja e Komitetit Ekzekutiv të FSHF-së/ Miratohen datat dhe vendimet e rëndësishme për sezonin e ri, kur nisin dhe përfundojnë kampionatet
30 Qershor 2022, 08:00 -
Kush e mendonte Tiranën si dje?
26 Maj 2022, 09:01
-
Asambleja e paligjshme përcakton një datë të 'paligjshme' për zgjedhjet për kreun e FSHF! Shakohoxha për Report Tv: S'marr pjesë në një mbledhje të ndaluar nga gjykata
2 Mars 2022, 10:47
-
Mblidhet Komiteti Ekzekutiv/ FSHF cakton datën e Asamblesë dhe shpërblen ekipin kombëtar të futsallës
10 Shkurt 2020, 17:50
