POP 5

Lajmet më të lexuara të 5 minutave të fundit

Politikë

Statuti i partisë/ Basha e Kadilli sërish ‘përballë’, nesër komisioni statutor në PD zgjedh mes propozimeve

Komisioni për ndryshimet statutore në Partinë Demokratike do te shqyrtoje nesër propozimet e Bashës e Kadillit, të cilët vihen sërish përballë njëri tjetrit. Megjithëse që të dy synojnë që përmes ndryshimeve në statut të demokratizojnë më tej partinë, propozimet e tyre ndryshojnë shumë nga njëri tjetri

Lulzim Basha dhe Fatbardh Kadilli vihen sërish përballë njëri tjetrit. Këtë radhë jo për post, por për mënyrën sesi ata konceptojnë reformimin e partisë. Të mërkurën, grupi i ngritur në Partinë Demokratike do të vendosë në peshore propozimet për ndryshimet statutore, e bashkë me to, idetë reformuese të Bashës e Kadillit. 

Ndonëse parashikojnë ndryshime në cdo qelizë të partisë, si një mënyrë demokratizimin e mëtejshëm të partisë,  propozimet e Bashës dhe Kadillit ndryshojnë shumë nga njëra tjetra.

Kështu ndryshimi më i rëndësishëm është propozimi i Kadillit për sanksionimin në statut të kufizim të mandatit të kryetarit të partisë në 4 vjet në rast të humbjes së zgjedhjeve, propozim ky që nuk preket aspak nga Basha.

“Kryetari i Partisë zgjidhet me votim të të gjithë anëtarëve të PDSH, sipas parimit “Një anëtar, Një votë”. Modalitetet e procesit përcaktohen nga Rregullorja e Brendshme e PDSH”, tha Basha.

"Kryetari i Partisë zgjidhet për një mandat katër vjeçar, i cili mbaron ose rinovohet automatikisht me shpalljen e rezultatit të zgjedhjeve; Kryetari i Partisë ose bëhet Kryeministër, ose largohet nga drejtimi i partisë pa pasur të drejtë të marrë pjesë në garën e radhës", tha Kadilli.

Krejtësisht të kundërt janë propozimet e tyre edhe sa i takon propozimit të sekretarëve. Kadilli nga njëra anë i heq kompetencat kreut të partisë dhe kërkon që të këto organe drejtuese të miratohen nga një strukturë e re, Këshilli i të urtëve, teksa kufizon në 5 numrin e Sekretariatëve, ndryshe nga Basha që synon t’ë shtojë numrin duke  lënë pa limit sekretarët.

"Këshilli i të Urtëve zgjedh:  Administratorin e Përgjithshëm, me funksionet e Sekretarit të Përgjithshëm; Sekretariatin për Etikën; Sekretariatin për Zgjedhjet në Parti; Sekretarin për Organizim dhe Burime Njerëzore; Sekretariatin për Çështjet e Statutit; Sekretariatin për Administrimin e financave të partisë", thotë Kadilli.

“Është rikonceptuar Sekretariati Ekzekutiv i Partisë, duke hequr numrin limit të sekretarëve funksional në përbërje të tij. Ky rregull është shtrirë edhe për Degët e Partisë.”, shton Basha.

Por që të dy, Basha e Kadilli bashkohen në një pikë, në hartimin e listave të kandidatëve për deputetë, dhe kandidatët për kryebashkiakë, për të cilën vulën duhet ta japë kryetari i partisë. Të gjitha këto propozime do shqyrtohen në mbledhjen e së mërkurës së komisionit për ndryshimet statutore në PD.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29