/ATSH/- Ministri i Zhvillimit Ekonomik, Blerand Stavileci, ka pritur në takim Ambasadoren e Turqisë në Prishtinë, Songul Ozan, me të cilën bashkëbisedoi për zhvillimet e fundit ekonomike në vend dhe bashkëpunimin bilateral mes dy vendeve.

Ministri Stavileci pohoi se në periudhën vijuese, krahas sektorëve të tjerë një fokus të veçantë do të ketë sektori i energjisë, si sektor determinues i zhvillimit ekonomik të vendit.
Nga ana e saj, Ambasadorja Ozan duke uruar ministrin Stavileci për detyrën e re, shprehu përkrahjen e saj dhe të shtetit turk në fuqizimin e ekonomisë së Kosovës, duke pohuar se adresimi i çështjeve ekonomike do të reflektojë në jetën e përditshme të qytetarëve.

Ministri Stavileci dhe Ambasadorja Ozan vlerësuan bashkëpunimin e deritanishëm mes Kosovës dhe Turqisë dhe ritheksuan nevojën e avancimit të mëtejshëm të marrëdhënieve ekonomike mes dy vendeve.