TIRANE- Deputeti demokrat, Gent Strazimiri shkruan në rrjetin social “Facebook” lidhur me incidentin që ka ndodhur në ambientet e Kryesisë së Kuvendit. "Sulmi ndaj meje, vetëm sa më shton vendosmërinë që këtë vend të mos ia lemë narkotrafikantëve!"- shkruan Strazimiri.
 
“Ishte një situatë e cila nuk më gjeti të papërgatitur –shkruan Stazimiri duke shtuar se “Provokimin e parë e kam pasur më 9 prill të këtij viti, nga të njëjtët individë, 4 deputetë të PS, nën drejtimin e Armando Prengës”.
 
Statusi i plotë i Gent Strazimirit në Facebook

Ju falënderoj të gjithëve për mbështetjen të nderuar miq të majtë e të djathtë.

Ishte një situatë e cila nuk më gjeti të papërgatitur pasi provokimin e parë e kam pasur më 9 prill të këtij viti, nga të njëjtët individë, 4 deputetë të PS, nën drejtimin e Armando Prengës, person i pluridenuar në Itali për thyerje vilash, drogë dhe prostitucion!

Për këtë arsye e kam denoncuar të nesërmen me 10 prill në fjalën time ne Kuvend, duke i bërë thirrje Edi Ramës që "eksperienca e burgaxhinjve që ke futur në Kuvend, nuk te ndihmon ne rrugën e integrimit" dhe se "reduktimi i Parlamentit ne një vend konflikti mes bandave rivale në një kaush burgu" nuk është zgjidhje e hallit të tij.

Sulmi ndaj meje (për fat të mirë pa asnjë pasojë), vetëm se më shton vendosmërinë që këtë vend të mos ia lemë narkotrafikantëve, ata nuk mund të jenë modeli "edukativ" I fëmijëve tanë!

Kjo është një çështje që duhet të bashkojë çdo shqiptar të ndershëm pavarësisht bindjeve politike!
Ju faleminderit edhe një herë për mbështetjen ndaj meje dhe kolegëve të opozitës!

Redaksia Online
(a.h/shqiptarja.com)