SPAK nis marrjen në pyetje për koncesionin e sterilizimit, mjeku paditës: Sqarova dëmet që sjell (VIDEO)

TIRANË-Prokuroria e Posaçme Kundër Krimit të Organizuar dhe Korrupsionit pas padisë nga nisma 'Thurje' për koncesionin e sterilizimit është vendosur në lëvizje duke nisur pyetjen e personave që kanë dijeni lidhur me këtë kontratë. I pari që është marrë në pyetje ditën e sotme ka qenë doktori urolog Artan Koni. Ai është pjesë e grupit që dorëzoi padinë, ndërsa u thirr në Prokurorinë e Posaçme Kundër Korrupsionit dhe Krimit te Organizuar si person që ka dijeni mbi rrethanat e ngjarjes. Pas daljes nga SPAK-u, doktori Artan Koni u shpreh për mediat se sqaroi para prokurorit detajet dhe llogaritë me dyshimet se kontrata është korruptive.

"Unë sqarova detajet si është bërë kjo llogari. Nuk mund të them cdo detaj për shkak të hetimit, por ishte një deklaratë për të ndihmuar prokurorët si bëhet llogaritja në fushën e mjekësisë për sterilizimin. Kemi dyshime se është koncesion korruptiv, tani mbetet ta vlerësojë prokuroria. Baza kryesore është llogaria, kostot ekonomike, ne paguajmë 17 milionë euro në vit, për një set kirurgjikal kosto na del 2.4 euro, ndërsa ne i paguajmë koncesionit 90 euro. Kjo është baza e këtyre dyshimeve që kemi ne për një koncesion korruptiv. Llogaritjen e dënimit nuk mund ta bëjmë ne, por prokuroria dhe të na thotë nëse ka dëm kundër shqiptarëve. Sot thashë detaje për atë kallëzim që kishim bërë dy javë më parë. Nuk kam prova të reja" tha ai.

Ky koncesion është fituar nga kompania “Sani Service”. Koncesioni ka gati 5 vite që është në zbatim dhe është miratuar nga ish-ministri Ilir Beqja, raporton gazetari i Shqiptarja.com Elton Qyno. Hetimi i parë për këtë cështje është ndjekur nga prokuroria e Tiranes, por më pas cështja është pushuar. Tashmë me një kallëzim të ri nga nisma "Thurje", ky hetim është rihapur sërish nga Prokuroria e Posacme. Ndërkohë që do të pyeten ata që kanë firmosur kontratën Partneritet-Publik-Privat si dhe përfaqësuesit e kompanisë private përfituese e këtij partneriteti.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Spaku ne aksion: 20/01/2020 12:31

    Mos e rruaj fare se asgjo skan per te bo si te tjerat do mbaroj edhe kjo ceshtje... me letra eshte cdo gje ne rregull i kane kopsitur mire vjedhjet...

    Përgjigju
  • Kapaku: 20/01/2020 12:29

    Person qe ka dijeni mbi ngjarjen??? Hakde prokurori hajde. Ky nuk ka dijeni per ngjarjen mor vlla. Te kesh dijeni per ngjarjen dmth te jesh pjese e atyre personave qe kane marre pjese me veprime aktive ne ngjarje. Ky eshte denoncues. Sa bukur i bejne hetimet. Te hapura.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit