POP 5

Lajmet më të lexuara të 5 minutave të fundit

Arkiva

STOKHOLM – Kina eksportuesi i tretë i armëve duke lënë pas Gjermaninë dhe Francën

STOKHOLM – Kina ka lënë pas Gjermaninë dhe Francën duke u bërë kështu eksportuesi i tretë botëror i armëve, sipas statistikave të publikuara sot nga Instituti Ndërkombëtar Kërkimor i Paqes në Stokholm (SIPRI). 
STOKHOLM - Kina ka lënë pas Gjermaninë dhe Francën duke u bërë kështu eksportuesi i tretë botëror i armëve, sipas statistikave të publikuara sot nga Instituti Ndërkombëtar Kërkimor i Paqes në Stokholm (SIPRI).
Raporti i Institutit Ndërkombëtar Kërkimor i Paqes në Stokholm (SIPRI) doli në këtë përfundim pas një verifikimi të hollësishëm të të dhënave për periudhën e viteve 2010-2014 që tregojnë se në tregun e armatimeve kryeson SHBA-ja me 31 për qind të eksporteve, para Rusisë me 27 për qind.
Në vijim, tre vende janë renditur shumë më pas me rreth pesë për qind të eksporteve për secilin. Franca do të ishte e treta, nëse do të kishte livruar në fund të vitit 2014 një anije Mistral që Rusia nuk e mori për shkak të konfliktit në lindje të Ukrainës
Kina llogarit pesë për qind të eksportit global të armatimeve, në një kohë kur tre vendet aziatike bashkë, Pakistani, Bangladeshi dhe Mianmari, nuk arrijnë veçse dy të tretat e këtij niveli.
Ekonomia e dytë botërore numëron gjithashtu 18 shtete afrikane si kliente. Raporti thekson se shifrat e verifikuara pasqyrojnë vetëm volumin e dërgesave të armëve e jo vlerën financiare të marrëveshjeve.
Rusia furnizon në vend të parë Indinë, importuesi i parë botëror, ku 70 për qind e armëve janë ruse.
SHBA-ja ka klientelën më të ndryshme. Importuesi i parë i armëve amerikane, Koreja e Jugut përbën vetëm nëntë për qind të totalit.
Mes dhjetë eksportuesve të parë botërorë, Kina ka regjistruar një rritje të eksportit të armëve me 143 për qind këto pesë vitet e fundit në raport me pesë vitet e mëparshme ndërkohë që Ukraina dhe Rusia janë ato që kanë pasur rritjen më të fortë, ndërkohë që livrimet nga Gjermani dhe Franca kanë pësuar rënie.
Përsa i përket importimeve, India, me 15 për qind të tregut është shumë para numrit dy dhe tre, Arabisë Saudite dhe Kinës me nga pesë për qind secila./ATSH/

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Mashtrues pas telefonit po vjedhin llogaritë e qytetarëve, Shoqata e Bankave: Kujdes, mos jepni të dhënat

16 Janar, 20:45 nga Eliza Gjediku