Stoltenberg për situatën në veri të Kosovës: Prishtina mos të ndërmarrë hapa të njëanshëm dhe destabilizues

Sekretari i Përgjithshëm i NATO-s, Jens Stoltenberg duke iu referuar situatës në veri të Kosovës pak ditë më parë, kërkoi që Prishtina të mos ndërmarrë më hapa të njëanshëm të cilët mund të destabilizojnë vendin dhe rajonin. 

Ai tha se Prishtina dhe Beogradi duhet të angazhohen në dialogun e  ndërmjetësuar nga Bashkimi Europian si e vetmja rrugë drejt normalizimit të situatës. 

“Bisedova me përfaqësuesin e lartë, Josep Borrell, lidhur me Kosovën. Prishtina dhe Beogradi duhet të angazhohen tani në dialogun e ndërmjetësuar nga BE-ja, si rruga e vetme drejt paqes dhe normalizimit. Prishtina duhet të shtensionojë situatën dhe mos të ndërmarrë hapa të njëanshëm, hapa destabilizues. Misioni i NATO-s në Kosovë, KFOR do të vazhdojë të ofrojë mjedis të sigurt”, shkroi ai në Tëitter.
 

Lajmi kryesor:

Zhvillimet në veri të Kosovës, Kurti pret të dërguarin gjerman në Prishtinë: Respektuam rregullat! Vuçiç: S’dorëzohemi! Javën tjetër takohem me Macron dhe Shcolz

B.V/Shqiptarja.com

TAG:
• jens stoltenberg
• nato
• kosove