Nis në zyrën e përfaqësisë së Bashkimit Europian në Tiranë, takimi i Ministrit të Brendshëm Saimir Tahiri me ambasadorët. Në takimin ku është i pranishëm edhe Drejtori i Përgjithshëm i Policisë, Artan Didi, pritet të diskutohet për masat dhe strategjinë për goditjen dhe uljen e përmasave të trafikut të drogës.

Para se të shkonte në takim Ministri i Brendshëm Tahiri ka zhvilluar një takim në ambasadën italiane me ambasadorin Masimo Gaiani. Italia është vendi kryesor ku trafikohet droga e kultivuar në Shqipëri. Edhe në takim Tahiri dhe Gaiani kanë ardhur sëbashku. Në fund të takimit pritet edhe një deklaratë për mediat
 

Redaksia Online
(a.h/shqiptarja.com)