Deputeti i Tiranës, Gent Strazimiri bëri përgjegjës Kryetarin e Bashkisë Tiranë, Erion Veliaj, për përmbytjen e disa zonave në autostradën Tiranë Durrës dhe të banorëve e bizneseve në bashkitë fqinjë me Tiranën, Kamëz dhe Vorë.
Gent Strazimiri vë në dukje se zonat u përmbytën që në dy orët e para të reshjeve, por jo pse lumenjtë dolën nga shtrati.
Strazimiri shkruan se “Autostrada Tiranë-Durrës dhe bizneset përgjatë saj, si dhe Valiasi janë viktimë e mashtruesit Erion Veliaj, që paguhet për të punuar në Bashki, por punon në TV”.
Në profilin e tij ka postuar një foto ku shfaqet Veliaj duke ecur në shi dhe i veshur me çizme.
Ndërsa në dixhiturë ironizon duke shkruajtur “Kinostudioja e Re paraqet filmin “Djali dhe shiu”.
Redaksia Online
Xh.F/Shqiptarja.com