Studimi i ‘Lancet Planetic’: Banorët urbanë që jetojnë afër hapësirave të gjelbërta jetojnë më gjatë

Një studim i ri i kryer nga ‘Lancet Planetic’, thotë se banorët urbanë që jetojnë afër hapësirave të gjelbërta jetojnë më gjatë se ata që banojnë në hapësira ku gjelbërimi nuk ekziston.

Studimi bazohet në analizimin e jetës së më shumë se 8 milion banorëve në qytete të ndryshëm në botë.

Studiuesit zbuluan se pavarësisht vendndodhjes në Tokë apo llojit të gjelbërimit, jetesa pranë natyrës ka rezultuar me përfitime ndjeshme shëndetësore.

Një studim i vitit 2018 në SHBA, zbuloi se gratë amerikane që jetojnë në zona me gjelbërim të dendur e kishin jetëgjatësinë 12 % më tepër se ato që jetonin në hapësira më pak të gjelbërta.

Ato kishin gjithashtu rreth 35 % më pak mundësi të sëmureshin nga sëmundjet vdekjeprurëse.

Disa qytete të mëdha tashmë po ndjekin politika të shëndosha ambjentale.

Përshembull, New York ka gjelbëruar 27% të sipërfaqes së tij kurse Parisi ka gjelbëruar një të tretën e hapësirave.

Edhe pse e zhytur mes gjelbërimit të pyjeve të saj, Finlanda po ripërtërinë territorin për të garantuar jetëgjatësinë e gjelbërimit dhe për të luftuar ndryshimet klimatike. Në institutet e Burimeve Natyrore të Finlandës po studiohet krijimi i farave më rezistente ndaj ekstremiteteve të motit, ndërsa Komisioni Europian ka njoftuar krijimin e një plani veprimi për të mbrojtur dhe rigjelbëruar natyrën.

TAG:
• SHBA
• Komisioni Europian
• New York
• Finlanda
• natyra
• Lancet Planetic