POP 5

Lajmet më të lexuara të 5 minutave të fundit

Bota

Studimi: Një rrjet lajmesh të rreme po promovon propagandën pro Kinës

Sipas një studimi të ri, një rrjet me më shumë se 350 profile të rreme të mediave sociale po promovon propagandën pro-Kinës dhe po përpiqet të diskreditojë ata që shihen si kundërshtarë të qeverisë kineze, bëjnë të ditur mediat ndërkombëtare.  

Studimi: Një rrjet lajmesh të rreme po promovon propagandën pro Kinës

Sipas një studimi të ri, një rrjet me më shumë se 350 profile të rreme të mediave sociale po promovon propagandën pro-Kinës dhe po përpiqet të diskreditojë ata që shihen si kundërshtarë të qeverisë kineze, bëjnë të ditur mediat ndërkombëtare.  Qëllimi është të delegjitimohet Perëndimi dhe të rritet ndikimi dhe imazhi i Kinës jashtë vendit, citohet në raportin e Qendrës të Informacionit (CIR).

“Qëllimi i rrjetit është delegjitimimi i Perëndimit duke përforcuar narrativat pro-kineze,” tha Benjamin Strick, autori i raportit të CIR.

Ekzistojnë ngjashmëri të forta midis këtij rrjeti dhe të ashtuquajturit rrjet propagandistik

Këto rrjete përforcuan narrativat pro-Kinës të ngjashme me ato të promovuara nga përfaqësuesit shtetërorë kinezë dhe mediat shtetërore. Pjesa më e madhe fokusohet në SHBA dhe në veçanti në çështje përçarëse si ligjet e armëve dhe raca.

Në një prej profileve, ata e përshkruajnë SHBA si një shtet i cili nuk respekton të drejtat e njeriut.  Postimet nga llogaritë e rreme citojnë vrasjen e George Floyd, si dhe diskriminimin kundër aziatikëve.

Disa nga profilet e shpërndara në Tëitter, Facebook, Instagram dhe YouTube përdornin foto të rreme të krijuara nga Inteligjenca Artificiale. Nuk ka dëshmi konkrete se rrjeti është i lidhur me qeverinë kineze, por sipas CIR, një grup jofitimprurës i cili punon për të kundërshtuar dezinformimin, është i ngjashëm me rrjetet pro-kineze që janë fshirë më parë nga Tëitter dhe Facebook.

Disa prej tyre mohojnë vazhdimisht abuzimet e të drejtave të njeriut në rajonin e Xinjiang, ku ekspertët thonë se Kina ka internuar të paktën një milion myslimanë kundër vullnetit të tyre, duke i cilësuar akuzat “gënjeshtra të Shteteve të Bashkuara dhe të Perëndimit”.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58