POP 5

Lajmet më të lexuara të 5 minutave të fundit

Kultura

Studiuesit e huaj mblidhen në Gjirokastër, shfaqin interes për baladat shqiptare: Të mos e lëmë traditën të ngurtësohet

Është zhvilluar për herë të parë në vendin tonë Konferenca e 50-të Ndërkombëtare e Baladave, ku morën pjesë studiues nga mbarë bota. Qëllimi, thanë studiuesit është ruajtja e vlerave të folklorit.

Për tu njohur me fondin e baladave shqiptare kanë shfaqur interes rreth 60 studiues e profesorë nga universitete të ndryshme të botës. Ata u mblodhën në Gjirokastër në konferencën e organizuar nga Akademia e Shkencave.

"Janë 45 studiues të huaj dhe 20 shqiptarë. Është rasti më i mirë që studiuesit e vendit  të ballafaqojnë nivelin e tyre me studiuesit e huaj që shkollat e ndryshme të studimit të baladave të gjykojnë njera-tjetrën. Kthehen në vendet e tyre traditen folkolorike dhe posacerisht për fondin e baladave shqiptare.’- u shpreh akademiku, Shaban Sinani

Përmes kësaj konference synohet ruajtja e vlerave folklorike.

Tema e këtij viti është “Balada dhe audienca”, domethënë roli i baladës dhe lidhja e saj me audiencën. Balada vazhdon të jetë e pranishme me ne, por, mënyra e recitimit, temat ndryshojnë por dhembja dhe nevoja për t’i shkruar baladat është gjithmonë me ne” u shpreh Arbnora Dushi zv/presidente e komisionit ndërkombëtar te studiuesve te baladës

‘Mendoj se është i rëndësishme jo vetëm kujdesi i institucioneve shtetërore dhe qendrore por është i rëndësishëm dhe kujdesi i ne shkencëtarëve të mos e lëmë traditën të ngurtësohet vetëm me një festival.’- tha Rigels Halili pedagog ne Universitetin e Varshaves

Paralel me konferencën shkencore u mbajt festivali “Divani Lunxhiot” që u dha mundësinë studiuesve të huaj të shohin nga afër performanca të këngëve e valleve të folklorit.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29