POP 5

Lajmet më të lexuara të 5 minutave të fundit

Sociale

Stuhia 'mbush' me gurë shëtitoren 'Taulantia', ende asnjë lëvizje për t'i hequr! Qytetarët e indinjuar: Nuk po i pastrojnë

Stuhia detare e javës së fundit ka nxjerrë një numër të madh gurësh të brezit të shëtitores “Taulantia”, në një pjesë të konsiderueshme të saj, duke e ndotur kësaj here këtë shëtitore jo vetëm me leshterikun i cili është “vizitori” i përhershëm pas stuhive detare apo motit të keq.

DURRËS- Stuhia detare e javës së fundit ka nxjerrë një numër të madh gurësh të brezit të shëtitores “Taulantia”, në një pjesë të konsiderueshme të saj, duke e ndotur kësaj here këtë shëtitore jo vetëm me leshterikun i cili është “vizitori” i përhershëm pas stuhive detare apo motit të keq.

Deri më tani edhe pse intensiteti i shirave dhe kësaj stuhie ka kaluar tashmë dhe moti është paraqitur më i qetë, Bashkia Durrës dhe Ndërmarrja e Shërbimit të Komunales, duket se nuk kanë dënjuar të largojnë gurët nga shëtitorja, e aq më pak leshterikun.

Qytetarët që shëtisin në mënyrë të vazhdueshme, shprehen të indinjuar se pavarësisht investimit të madh në këtë shëtitore dhe taksave të larta që paguhen për pastrimin e qytetit, shpesh institucionet nuk marrin masat e duhura që këto situata të zgjidhen apo në rastin më të mirë të parandalohen dhe përllogariten që kur nisin investimet.

"Gurët i ka sjellë deti, ku ka pastruese, të Komunales? Nuk interesohen. Ti marrin, t'i hedhin te vendi ku kanë qenë. Kanë 2 javë, para se të ishe furtuna e madhe. Tregon fakti se vetë, do bëhet pallati 18 katësh, aty ka qenë deti, deri në 18 metër thellësi."-shprehet një qytetar.

Kujtojmë se pak ditë më parë stuhia detare dhe reshjet me intensitet të lartë të shiut, bënë që një pjesë e kodrës së Currilave të rrëshqiste duke bllokuar aksin rrugor të Currilave, kodër, kjo në të cilën u investuan 2 milionë dollarë që mos të përsëritej situata e rrëshqitjes së dherave, por që ky investim nuk rezultoi aspak efikas.

S.C/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

25 Dhjetor, 14:35