POP 5

Lajmet më të lexuara të 5 minutave të fundit

Bota

Sulm me armë në SHBA, punonjësi i një supermarketi në Virxhinia vret 6 persona! 4 të tjerë mbesin të plagosur 

Një sulm me armë ka ndodhur sot në Shtetet e Bashkuara të Amerikës, ku një punonjës i një supermarketi në shtetin amerikan të Virxhinias ka vrarë gjashtë persona dhe ka plagosur katër të tjerë, sipas njoftimit të policisë.

Sulm me armë në SHBA, punonjësi i një supermarketi në Virxhinia vret 6 persona! 4 të tjerë mbesin të plagosur 

SHBA, foto nga vendngjarja

SHBA- Një sulm me armë ka ndodhur sot në Shtetet e Bashkuara të Amerikës, ku një punonjës i një supermarketi në shtetin amerikan të Virxhinias ka vrarë gjashtë persona dhe ka plagosur katër të tjerë, sipas njoftimit të policisë.

Oficerët u thirrën në vendngjarje pasi personi i armatosur, emri i të cilit nuk bëhet i ditur, hapi zjarr ndaj kolegëve. Më vonë ai e ktheu armën kundër vetes dhe vdiq nga një plagë e vetëshkaktuar me armë zjarri.

Ende nuk dihet motivi që e shtyu autorin të ndërmerrte këtë veprim ekstrem. Policia nuk është në kërkim të asnjë personi tjetër në lidhje me sulmin, pasi autori i cili ndërroi jetë është i dyshuari kryesor dhe i vetëm i sulmit.

Thirrja e parë e urgjencës u bë në orën 22:12 me orën lokale të së martës dhe oficerët arritën në supermarket brenda dy minutash.

Ata hynë në ndërtesë pak më vonë dhe vendi i ngjarjes u deklarua i sigurt një orë më vonë pasi ishte pastruar dhe të gjitha viktimat ishin gjetur.

“Përpunimi i skenës së krimit ka të ngjarë të zgjasë disa ditë”, tha shefi i policisë Mark Solesky në një konferencë shtypi të mërkurën, duke shtuar se hetimi po kryhej me ndihmën e FBI-së.

Ai nuk e identifikoi sulmuesin, duke thënë se familja e tyre ende nuk ishte informuar.

Ky sulmi ndodhi vetëm tre ditë  pasi një person hapi zjarr në një klub nate të komunitetit LGBTI në Kolorado, ku si pasojë 4  persona humbën jetën, ndërsa 17 të tjerë mbetën të plagosur.

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Biden autorizoi Ukrainën për përdorimin e raketave me rreze të gjatë veprimi, NYT: Frikë nga përgjigja e Putinit

Biden autorizoi Ukrainën për përdorimin e raketave me rreze të gjatë veprimi, NYT: Frikë nga përgjigja e Putinit

17 Nëntor, 20:09