Ambasadori Luca Attanasio në Kongo u vra gjatë një sulmi me armë ndaj autokolonës së Kombeve të Bashkuara. Në një deklaratë të shkurtër, ministria e jashtme Italiane tha se Luca Attanasio dhe oficeri, i quajtur Vittorio Iacovacci u vranë në Goma.
Në makinë kishte pesë persona shoferi vdiq pasi u qëllua me disa plumba dhe dy të tjerët humbën jetën në spital.
Ministri i Jashtëm italian Luigi Di Maio shprehu trishtimin e tij për vrasjet e ambasadorit dhe policit.
" Kam mësuar me dhimbje të pamasë për vdekjen e sotme të ambasadorit tonë në Kongo. Rrethanat e këtij sulmi nuk dihen ende dhe nuk do të kursehet asnjë përpjekje për të hedhur dritë mbi atë që ndodhi " , tha Di Maio.
Presidenti i Italisë, Sergio Mattarella, tha në një deklaratë: " E mora me dhimbje të madhe lajmin e sulmit frikacak që goditi një autokolonë ndërkombëtare pranë qytetit të Goma disa orë më parë, duke vrarë ambasadorin Luca Attanasio, karabinierin Vittorio Iacovacci dhe shoferin e tyre”.
Sulmi ndodhi rreth orës 10:15 të mëngjesit me kohën lokale dhe sipas autoriteteve lokale besohet të ketë qenë një përpjekje rrëmbimi. Nuk është e qartë se kush fshihet pas kësaj por shumë grupe të armatosura dihet që veprojnë në park dhe përreth tij. Attanasio kishte përfaqësuar Italinë në Republikën Demokratike të Kongo-s që nga viti 2017. Ai u bashkua me shërbimin diplomatik në 2003 dhe më parë shërbeu në Marok dhe Nigeri.
Republika Demokratike e Kongos ka vuajtur për shumë vite një lufte brutale civile . Konflikti çoi në humbjen e rreth pesë milion jetëve midis dhe 1994 dhe 2003, duke u konsideruar si Lufta më e Madhe e Afrikës. Por fundi i konfliktit nuk i dha fund dhunës. Dhjetëra milici dhe grupe rebele vazhdojnë të veprojnë në zonat lindore.
Misioni paqeruajtës i Kombeve të Bashkuara ka qenë në Kongo që nga viti 1999 dhe shënon një nga operacionet më të mëdha paqeruajtëse në botë, me më shumë se 17,000 personel.
Pas sulmit me armë ndaj autokolonës së Kombeve të Bashkuara në Republikën Demokratike të Kongos, ka reaguar edhe Ministrja e Mbrojtjes në vendin tonë Olta Xhaçka. Në postimin e saj ministrja u shpreh e tronditur për vdekjen e ambasadorit Luca Attanasio dhe 2 personave që e shoqëronin atë.
" E shokuar nga lajmi i vrasjes së ambasadorit italian në Republikën Demokratike të Kongo-s. Jemi pranë familjes së tij dhe familjeve të dy viktimave të tjera të sulmit. Ngushëllimet e mia më të sinqerta dhe shprehim solidaritet të plotë me kolegët tanë italian," tha Xhaçka në postimin e saj.
Luca Attanasio, ambasadori italiani vrarë sot gjatë një sulmi në Kongo kundër një autokolone të Monusco, misioni i organizatës së Kombeve të Bashkuara për stabilizim në Republikën Demokratike të Kongos, ishte 43 vjeç. I lindur në Saronno por i rritur në Limbiate në 1977 ai ishte i martuar dhe baba i tre fëmijëve. Ai u diplomua nga Universiteti Bocconi i Milanos në 2001, pasi kishte punuar për një kohë të shkurtër si konsulent biznesi dhe kishte filluar karrierën Diplomatike, në 2003.
Ai u caktua në Ministrinë e Punëve të Jashtme në Drejtorinë për Çështjet Ekonomike, pastaj në sekretarinë e Drejtorisë së Përgjithshme për Afrikën.
Ai më pas u bë nënkryetar i Sekretariatit të Shtetit me përgjegjësi për Afrikën, së pari u bë kreu i Zyrës Ekonomike dhe Tregtare në Ambasadën Italiane në Bernë (2006-2010) dhe më pas Konsulli i Përgjithshëm në Casablanca, në Marok ( 2010-2013). Në 2013 ai u kthye në Romë ku u bë Shef i Sekretariatit të Drejtorisë së Përgjithshme për Globalizimin dhe Çështjet Globale, ai u kthye në Afrikë së pari si Këshilltar i Parë në Ambasadën e Italisë në Abuja, Nigeri (2015), pastaj nga 2017 ka shërbyer në Kongo, ku ai u konfirmua si Ambasador i Jashtëzakonshëm nga 31 Tetori 2019.
Disa muaj më parë, atij dhe gruas së tij Zakia Seddiki - themeluese dhe presidente e shoqatës humanitare "Mama Sofia", e cila ndihmon fëmijët dhe nënat e reja në Kongo - iu dha Çmimi Ndërkombëtar i Paqes Nassiriya, organizuar nga shoqata kulturore Elaia. Ai u vlerësua për kontributin e tij në realizimin e projekteve të rëndësishme humanitare, duke u dalluar për altruizmin, përkushtimin dhe frymën e tij të shërbimit në mbështetje të njerëzve në vështirësi.
«Gjithçka që ne në Itali e marrim si të mirëqenë», tha Attanasio gjatë asaj ceremonie «nuk është në Kongo ku, për fat të keq ka ende shumë probleme për t'u zgjidhur. Roli i ambasadës është së pari të qëndrojë pranë italianëve por gjithashtu të kontribuojmë në arritjen e paqes ».
Miqtë që kishin ndarë fëmijërinë me të, shprehen të tronditur dhe tregojnë se ai kishte një mendje brilante.
Komente
Lajme të tjera
-
Itali/ Zbulohet 'streha e kokainës', gjenden 76 kg drogë, pakot dorëzoheshin me furgon! Mes 2 të arrestuarve 1 shqiptar
24 Nëntor, 08:59 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Reduktohet personeli Italian në qendrat e emigrantëve në Lezhë, fillojnë rikthimet në Itali
23 Nëntor, 09:58 -
Itali/ Grupi i ‘skifterëve’ shqiptarë i ikën policisë me ‘Golf’ të vjedhur, njëri arrestohet dhe 2 arratisen! 32-vjeçari i dënuar me rreth 4 vite burg për grabitje
22 Nëntor, 21:34 -
Itali/ Plagosi me kaçavidë dhe i grabiti 14 mijë euro pensionistit në banesë, arrestohet 34-vjeçari shqiptar! Në kërkim prek Korrikut 2023, e tradhtoi xhaketa
22 Nëntor, 20:59 -
Itali/Kishte fshehur brenda dyshekut mbi 2 kg kokainë, arrestohet 22-vjeçari shqiptar! U denoncua nga banorët, shtëpinë e kishte kthyer në bazë droge
21 Nëntor, 21:49 -
U arrestua për rrahjen dhe grabitjen e një italiani, Gjykata e Katanias liron 28-vjeçarin shqiptar! I skeduar më parë për drogë
21 Nëntor, 21:03 -
Itali/ Përgjimet SKY ECC çmontojnë klanet mafioze Sacra Corona dhe Ndragheta, bashkëpunonin me shqiptarët! 33 arrestime të reja, 97 persona nën hetim (EMRAT)
21 Nëntor, 20:06 -
Itali/ Njëri i dënuar dhe tjetri i skeduar për 8 krime, dy shqiptarët 31-vjeçarë kapen duke shitur drogë! Burgosje dhe dëbim nga vendi
21 Nëntor, 17:35 -
Trafik kokaine dhe heroine në Bellizona, në pranga 35-vjeçari shqiptar dhe zvicerani! Nën hetim edhe 3 shqiptarë të tjerë
20 Nëntor, 20:42 -
Vicenza/ Trafikonin dhe xhironin 3,3 mln euro kokainë në vit, shkatërrohet grupi italo-shqiptar! 11 të arrestuar e 4 në kërkim, hetime dhe në Shqipëri (EMRAT+FOTOT)
20 Nëntor, 19:53 -
Jepnin informacione për inteligjencën ruse, dy persona nën hetim në Milano nga prokuroria antiterrorizëm
20 Nëntor, 18:46
Ngushëllime, të dy Arbëreshë nga mbiemri!
Përgjigju