Tragjedi në Mal të Zi! 10 viktima nga sulmi me armë, mes tyre 2 fëmijë! Autori 34-vjeçar u ekzekutua nga një qytetar

Një tragjedi ka ndodhur në Mal të Zi ku janë vrarë 10 persona, mes tyre 2 fëmijë dhe kanë mbetur të plagosur 6 të tjerë. Autori 34-vjeçar i identifikuar si Vuko Boriloviç ka qëlluar me armë zjarri drejt anëtarëve të një familje që kishin marrë ambient me qira në shtëpinë e tij. Por plumbat kapën edhe njerëz të tjerë në rrugë në afërsi të vendbanimit të tij në qytetin Cetinje. Ngjarja ka ndodhur rreth orës 16:00. Autori 34-vjeçar i sulmit u vra nga një fqinj, ndryshe nga siç ishte raportuar më parë se ishte ekzekutuar nga policia. Nuk dihet nëse është arrestuar fqinji që vrau autorin e sulmit.

Mes viktimave janë edhe 2 fëmijë të moshës 11 dhe 8 vjec, ndërsa nëna e tyre është plagosur. I lënduar mbeti edhe një polic që është dërguar me urgjencë për të marrë trajtim mjekësor në spital. Sipas mediave malazeze, autori ka qenë i armatosur me armë gjahu teksa po ecte nëpër lagjen e qytetit Cetinje nga ku më pas ka filluar të qëllojë. 

Për ngjarjen e rëndë ka reaguar edhe kryeministri i Malit të Zi, Dritan Abazoviç, i cili me anë të një mesazhi në rrjetin social Telegram ka shprehur keqardhjen dhe ngushëllimet e tij për familjarët e viktimave. Ndër të tjera bëri të ditur se qeveria e Malit të Zi do të shpallë tri ditë zie lidhur me ngjarjen e rëndë . 

"Ka ndodhur një tragjedi që Mali i Zi nuk e mban mend. Ftoj të gjithë qytetarët e Malit të Zi që të luten për familjet e viktimave të pafajshme, të afërmit, miqtë e tyre dhe të gjithë qytetarët e kryeqytetit historik të Cetinjës", shkruan Abazoviç.

Në vendngjarje ndodhet prokurori i lartë i shtetit, shërbimet e emergjencës, policia dhe Shërbimi i Mbrojtjes dhe Shpëtimit.

Rendit zhvillimet sipas orarit:
Ora 22:50
FOTO/ Ky është autori i sulmit me 10 viktima në Mal të Zi

1660337660_1235665ubicals.jpg

Vuko Boriloviç është 34-vjeçari që vrau 10 persona në qytetin Cetinje të Malit të Zi pas një konflikti për qiranë me familjen që kishte marrë ambient me qira në shtëpinë e tij. Sipas mediave malaeze, sulmuesi fillimisht ka vrarë fqinjën dhe fëmijët e saj, e më pas ka telefonuar bashkëshortin për t’i treguar çfarë kishte bërë.

Ora 21:21
Masakra në Mal të Zi/ Abazoviç shpall 3 ditë zie kombëtare 

1660325390_vendngjarja.jpg

Kryeministri Dritan Abazoviç tha masakra e ndodhur ditën e sotme në Cetinje ku u vranë 10 persona dhe 6 të tjerë u plagosën është ndër më të rëndat në historinë e malazezëve dhe bëri të ditur se qeveria e Malit të Zi do të shpallë tri ditë zie lidhur me ngjarjen e rëndë.

 

Ora 21:00
Masakra në Mal të Zi/ Gjukanoviç: Një tragjedi e paprecedentë që prek të gjithë vendin

Presidenti i Malit të Zi, Milo Gjukanoviç ka reaguar pas masakrës së ndodhur në Cetinje ku një 34-vjeçar sulmoi me armë duke vrarë 10 persona dhe plagosur 6 të tjerë.

Presidenti Gjukanoviç e ka konsideruar ngjarjen një tragjedi të paprecedentë që ka prekur gjithë Malin e Zi duke shprehur ngushëllimet e tij të sinqerta për familjet e viktimave, për të gjithë ata që humbën të dashurit e tyre.

"Jam thellësisht i tronditur nga lajmi për tragjedinë e tmerrshme në Cetinje. Shpreh ngushëllimet e mia të sinqerta për familjet e viktimave, për të gjithë ata që kanë humbur të dashurit e tyre. Ne si shoqëri duhet të solidarizohemi me ta në këto të momente të vështira”, shkruan presidenti në llogarinë e tij në Tëitter.

 

Ora 19:47
Tragjedia në Mal të Zi/ Abazoviç: Të qëndrojmë afër familjarëve të viktimave të pafajshme

1660326422_tragjedia.jpg

Kryeministri malazez Dritan Abazoviç ka reaguar pak pas masakrës së ndodhur ditën e sotme në Cetinje të Malit të Zi, ku një 34-vjeçar ka qëlluar me armë duke vrarë 10 persona dhe plagosur 6 të tjerë.

Ngjarja e sotme në Cetinje është një tragjedi që Mali i Zi nuk e ka parë më parë. I ftoj të gjithë qytetarët e Malit të Zi që të jenë me familjet e viktimave të pafajshme, të afërmit e tyre, miqtë dhe të gjithë qytetarët e Cetinjës”, shkruan Abazoviç në Telegram.

Ora 19:38
Emri/ Kush është autori 34-vjeçar i masakrës në Mal të Zi! Vrau 10 persona dhe plagosi 6 të tjerë

Autori 34-vjeçar i masakrës në Mal të Zi, i cili vrau 10 persona dhe plagosi 6 të tjerë është identifikuar nga autoritet malazeze si Vuko Boriloviç.

S.C/A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arjeta: 13/08/2022 19:32

    zoti ndihmovt viktimave , tqum pesh

    Përgjigju
  • Jari: 13/08/2022 07:55

    E rëndë kjo njarje, por nuk e di ça thotë Klodi Tik Llalla se Likja, Sali Non Grada e soji e sollorropi i tyre po bëjnë dasmë me viktimat dhe thonë e ka fajin Edi Rama.

    Përgjigju
  • Vsbej: 12/08/2022 21:39

    Terrorizmi sllav arrin permasa te reja.

    Përgjigju
  • Sondazhi i ditës:

    A mendoni se vendosja e fashës 800 kWh do të sjellë kursim të energjisë?



×

Lajmi i fundit

Baraka ku po qëndronte u përfshi nga zjarri, 57-vjeçari në Sarandë ndërron jetë! Nuk mundi t'i mbijetonte plagëve të marra

Baraka ku po qëndronte u përfshi nga zjarri, 57-vjeçari në Sarandë ndërron jetë! Nuk mundi t'i mbijetonte plagëve të marra