Sipas asaj që raportojnë mediat franceze, 2 prej ushtarëve të plagosur janë në gjendje të rëndë.
Ngjarja ka ndodhur në pjesën jug-perëndimore të Levallois- Perrot, ku një zyrtar i Parisit ka deklaruar se hetimet për ngjarjen kanë filluar dhe pse fillimisht dyshimet janë për një aksident, nuk përjashtohet mundësia e një sulmi të mundshëm terrorist.
Ende nuk është e qartë nëse ngjarja ka lidhje me një sulm të mundshëm terrorist apo është diçka aksidentale.
Levallois- Perret, është “shtëpia” e “SDAT”, forcës kombëtare të anti-terrorizmit në Francë, si dhe vendi nga ku operon “DGSI”, Sekretariati i Përgjithshëm i Sigurisë së Brendshme.
Franca ka qenë nën gjendjen e emergjencës që prej nënorit të vitit 2015 për shkak të sulmeve terroriste në vend.
Më 13 nëntor, 130 perona u vranë në Paris dhe më shumë se 100 të tjerë janë vrarë në sulme terroriste të bëra nga militantë të të ashtuquajturit “Shtet Islamik”.
[gallery]23431[/gallery]
(VIDEO)BREAKING: First images from the scene of the attack in #Parispic.twitter.com/tDtNbFIZZT
— IndexTip.nl (@IndexTipNL) August 9, 2017
Zhvillimet orë pas ore nga ngjarja në Francë
Ora 12:55 Vazhdojnë kërkimet për autorin e plagosjes së 6 ushtarëve
Vazhdon kërkimi i shoferit të makinës i cili përplasin 6 ushtarë francezë, ku nga të plagosurit dy janë në gjendje të rëndë.
Zyra e prokurorëve të Parisit ka deklaruar se njësia e saj anti- terrorizmit është përfshirë në hetimin e ngjarjes.
Ora 11:10 Policia: Po ndjekim çdo pistë
Polica franceze ka deklaruar se janë duke ndjekur çdo pistë hetimi, përfshirë edhe terrorizmin. Ndërkohë në zonë ku forcat e policisë kanë ngritur një perimetër sigurie, tashmë situata duket e qetë.
Ora 10:40 Dëshmitari: Ishte një makinë “BMW”
Një prej dëshmitarëve në vendin e ngjarjes, ku u plagosën 6 ushtarët francezë, ka treguar se automjeti i përdorur ishte një “BMW”.
“Ishte një automjet tip “BMW”, i cili po qëndronte përballë ushtarëve, krejt papritur përshpejtoi duke përplasur 6 ushtarët të cilët ishin duke qëndruar pranë makinës së tyre”, ka thënë dëshmitari.
Ora 10:26 Policia e ka cilësuar ngjarjen “akt të qëllimshëm”
Policia franceze nëpërmjet një deklarate të dhënë për mediat e kanë cilësuar ngjarjen si një akt të qëllimshëm, por nuk e ka cilësuar ende ngjarjen si një sulm terroristë
Ora 10:16 Ministri i Brendshëm takon autoritetet vendase
Ministri i Brendshëm francez, Ge'rard Collomb, është takuar menjëherë me autoritetet vendase, për të ndjekur nga afër zhvillimin e ngjarjes.
Këtë mëngjes në Paris ishte planifikuar edhe mbledhja e fundit e ministrave francezë me presidentin Emmanuele Macron, përpara se të fillonin pushimet verore.
![paris](http://www.shqiptarja.com/foto/297652.jpg)
(Foto nga vendngjarja)
Ora 09:58 Ushtarët e plagosur pjesë e njësisë anti-terrorizëm
Gjashtë ushtarët e plagosur janë pjesë e një njësie të njohur ushtarake të anti- terrorizmit në Francë
![paris](http://www.shqiptarja.com/foto/297650_3.jpg)
(Zona ku ka ndodhur ngjarja)
Ora 9:52 Zyrtari i Parisit nuk përjashton mundësinë e sulmit terrorist
Një zyrtar i Parisit ka deklaruar se hetimet për ngjarjen kanë filluar dhe pse fillimisht dyshimet janë për një aksident, nuk përjashtohet mundësia e një sulmi të mundshëm terrorist.
Redaksia Online
D.T/Shqiptarja.com
![](https://www.shqiptarja.com/template/img/sh_logo1.png)