POP 5

Lajmet më të lexuara të 5 minutave të fundit

Politikë

Sulmet, Nishani: Nuk rrezikohemi
s'duhet mblidhet Këshilli i Sigurisë

Presidenti Bujar Nishani ka deklaruar se Shqipëria nuk rrezikohet nga sulmet terroriste. Thekson se nuk është momenti të therresë Këshillin e Sigurisë Kombëtare. Shprehet se agjensitë e inteligjencës janë në gjendje gadishmërie.  VIDEO
Sulmet, Nishani: Nuk rrezikohemi<br />s'duhet mblidhet Këshilli i Sigurisë
Presidenti Bujar Nishani dhe kryetari i Kuvendit Ilir Meta, pas homazheve që kryen në zyrën e Delegacionit të BE-së në Tiranë, shprehën ngushëllimet për viktimat e 22 marsit në Bruksel. 

Nishani tha për mediat se nuk është e nevojshme që të mblidhet Këshilli i Sigurisë Kombëtare, pavarësisht sulmeve terroriste në kryeqytetin belg, Bruksel.

Këshilli i Sigurisë u mblodh për herë të fundit fill pas sulmeve terroriste në Paris, nëntorin e vitit të shkuar, ku mbetën të vdekur 130 persona.

Duke iu përgjigjur interesit të gazetarëve, kreu i Shtetit tha se “aktualisht nuk ka ndonjë rrethanë që kërkon mbledhjen e Këshillit të Sigurisë”.

Nishani deklaroi se “agjensite ligjzbatuese janë duke përmbushur misionin e tyre kushtetues dhe ligjor” duke shtuar masat e sigurisë dhe deklaroi se “ka një rakordim mes këtyure instancave”.

Ai dënoi sulmet në Bruksel, të cilat i quajti akte barbare dhe deklaroi se Shqipëria do të jetë në krah të koalicionit anti-terror.

“Dhimja na bashkon te gjithëve... Asnjë akt terroti nuk do ta lëkundë civilizimin”, u shpreh presidenti.

Ndërsa, Meta tha se të tilla akte janë një këcënim për të gjithë shoqërinë Europiane dhe të gjithë duhet të solidarizohemi me dhimbjen: "Në momente të tilla të gjithë duhet të jemi pranë të lënduarëve dhe të solidarizohemi me to".

Redaksia Online
(shqiptarja.com)

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Dyshime për sabotim pas dëmtimit të kabllos nënujore elektrike në Detin Baltik

Dyshime për sabotim pas dëmtimit të kabllos nënujore elektrike në Detin Baltik

26 Dhjetor, 21:06