Sulmi i Berishës për listat, Basha: Janë çështje të brendshme të PD
Kryetari i PD, Lulzim Basha nuk ka pranuar që të komentojë deklaratat e Sali Berishës për listat e deputëtëve, përjashtimet dhe marrëveshjen me Ramën. VIDEO
Kryetari i PD, Lulzim Basha nuk ka pranuar që të komentojë deklaratat e Sali Berishës për listat e deputëtëve, përjashtimet dhe marrëveshjen me Ramën.
Lideri demokrat pas daljes nga Kuvendi e anashkaloi duke deklaruar se ato janë çështje të brendshme të PD, ndërsa theksoi se nuk duhet të heqim vëmendjen nga qeverisja.
“Detyra e opozitës dhe e kryetarit të PD është të mobilizojmë forcat brenda dhe jashtë asaj salle.
Kjo është sfida e ditës, të tjerat janë cështje që na takojnë brenda PD, por nuk duhet të heqim vëmendjen ndaj kësaj të keqe të madhe, ku asgjë nuk ka ndryshuar” deklaroi Basha.
Gjatë fjalës së tij, Basha sulmoi Ramën pas thirrjes së tij të fundit paraditen e sotme që deputetët e grupit të PS, por edhe ministrat të japin gjak dhe mbledhjeve në qarqe.
“Pirja e gjakut nuk është metaforë, pasi 'Rama 1' u mori 1.5 mld dollarë. Ta nisë duke u kthyer këtë gjak shqiptarëve.
Por mendoj se për shqiptarët cdo ditë që kalon bëhet më e qartë, gjërat do të shkojnë keq e më keq.
Kabineti është bërë si agjenci ekskursioni. Nuk ka rrugë pas, por vetëm përpara, debat me transparencë” deklaroi ai.
Berisha ka kritikuar listat për deputetë, duke pohuar se ato ishin listat e Bashës dhe jo të Partisë Demokratike.
Në këtë kuadër, Berisha shtoi se Basha ka përgjegjësinë më të madhe personale për humbjen.
Berisha tha gjithashtu se largimi i eksponentëve të rëndësishëm në PD nga Lulzim Basha ishte i pamotivuar.