Sulmi me granata në komunën e Mitrovicës së Veriut, Kurti: Serbia të ndalë urgjentisht nxitjet për dhunë para se të humbasin jetë

Kryeministri i Kosovës, Albin Kurti ka reaguar për sulmin e ndodhur mbrëmjen e djeshme në komunën e Mitrovicës së Veriut ku u hodhën 2 granata dore.

Kurti bëri thirrje që Serbia të ndërpresë urgjentisht nxitjet për dhunë në veri të vendit para se të ketë humbje jete.

“Mbrëmë ndërtesa e komunës në Mitrovicë është sulmuar nga 2 granata dore, duke shkaktuar dëme në veturat e afërta. Fatmirësisht asnjë person nuk u lëndua, por mund të kishte ndodhur lehtësisht. I bëj thirrje Serbisë që menjëherë të ndërpresë nxitjet për dhunë para se të humbasin jetë”, ka shkruar Kurti nw twitter.

Lajmi kryesor:

Kosovë, sulmohet me granata komuna e Mitrovicës së Veriut! Kurti: Serbia të ndalë thirrjet për dhunë para se të humbasin jetë! Blinken: Të depërshkallëzohen tensionet

B.V/Shqiptarja.com

TAG:
• Mitrovice
• Albin Kurti