Sulmi me thikë në xhami, Imami Ahmed Kalaja për Report TV: Autori me kartelë mjekësore! Të ruhet qetësia

Imami Ahmed Kalaja në një intervistë për Report TV është shprehur se autori është me kartelë mjekësore dhe sipas tij nuk kemi të bëjmë me një n ekstremizëm fetar.

“Dimë që personi në fjalë ka goditur me thikë, i ka marrë me radhë dhe ka tentuar që të ikë, por e kanë ndaluar disa të tjerë, më vonë morëm vesh se personi është person me kartelë mjekësore, kemi mbetur të habitur prej ngjarjes, shyqyr ato që janë plagosur janë jashtë rrezikut. Me sa kemi informacion, nuk kemi të bëjmë me një ekstremizëm fetar, ato janë pjesë e stafit të xhamisë, nuk ka konflikte me të plagosurit. Thjesht ka goditur me një thikë dhe ka dalë jashtë, nuk ka lëshuar asnjë thirrje, thjesht ka plagosur dhe ka ikur. Është shumë prekëse dhe e dhimbshme që të ndodh në muajin e Ramazanit, gjë që ndodh sepse këta njerëz nuk duhen lënë të lirë, por të ndiqen në mënyrë intesive. Është një ngjarje që është përsëritur edhe një herë tjetër, para 2 vitesh ka ndodhur edhe më parë. Kur kanë parë kalimtarët që ka pasur thikë në dorë, qytetarët e kanë ndalur. Plagët të plagosurit i kanë në duar në kofshë, janë jashtë rrezikut për jetën, njëri është për operacion”, tha Imami.

Ai ka pasur edhe një mesazh për besimtarët.

“Të ruhet qetësia dhe njeriu kur është me probleme mendore, as Zoti nuk ia quan mëkatet. Xhamia për punë minutash do të kthehet në normalitet”, përfundoi Imami.


Lajmi kryesor:

Sulm me thikë në xhaminë te Rruga e Kavajës! Autori qëllon punonjësin e picerisë dhe 4 besimtarë, arrestohet për sulm terrorist! Familjarët: Është në depresion (VIDEO)


B.K./b.ha./Shqiptarja.com
  • Sondazhi i ditës:

    Shifrat e frikshme të aksidenteve rrugore, i kujt mendoni se është faji?



×

Lajmi i fundit

John

Rama publikon foton e veçantë nga Brukseli: Rruga për Tiron o knej