POP 5

Lajmet më të lexuara të 5 minutave të fundit

Politikë

Sulmi në Turqi, Nishani: Dënoj aktin
që përgjaku muajin e  Ramazanit 

Presidenti i Republikës i ka dërguar një mesazh ngushëllimi Presidentit Turk Erdogan, pas sulmit terrorist në një aeroport në Turqi ku mbetën të vdekur 36 persona e u plagosën më shumë se 147 të tjerë, ku ka thënë se ky sulm ka përgjakur muajin e shenjtë të Ramazanit.
Presidenti i Republikës i ka dërguar një mesazh ngushëllimi Presidentit Ttur Erdogan, pas sulmit terrorist në një aeroport në Turqi ku mbetën të vdekur 36 persona e u plagosën më shumë se 147 të tjerë, ku ka thënë se ky sulm ka përgjakur muajin e shenjtë të Ramazanit.
 
Nishani në mesazhin ngushëllues i jep kurajo qytetarëve turq, por edhe qeverisë për këtë akt që e konsideron si të urryer, duke i shprehur gatishmërinë e Shqipërisë në këto momente ndaj tij.
 
Ai thekson se është i tronditur dhe i revoltuar.
 
Ja mesazhi ngushëllues i Presidentit të Republikës Bujar Nishani
“I nderuar Zoti President,
Jam shumë i tronditur dhe i revoltuar nga sulmet terroriste në aeroportin ndërkombëtar të Stambollit, ku humbën jetën dhjetëra persona e shumë të tjerë u lënduan.
Me ndjenjë të thellë trishtimi e hidhërimi, i shpreh ngushëllimet e mia më të ndjera familjarëve të viktimave, popullit mik turk, Juve dhe qeverisë suaj, si dhe të lënduarve i uroj shërim sa më të shpejtë.
I dënoj me forcën më të madhe këto akte të urryera terroriste që përgjakën muajin e shenjtë të Ramazanit dhe synojnë të trembin e destabilizojnë Turqinë mike, si dhe ju siguroj se në këto momente të vështira e kritike, unë dhe populli shqiptar jemi pranë jush, pranë familjarëve të viktimave dhe popullit mik turk.
Zoti ju dhëntë qetësi, kurajë e forcë për përballimin dhe kapërcimin sa më shpejt të kësaj situate tronditëse e kritike!” – theksohet në mesazhin e Kreut të Shtetit shqiptar drejtuar Presidentit të Turqisë, Erdoğan.


Redaksia Online
(F.T/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Plan rus për bomba në avionë? Çfarë duhet të dini rreth akuzave të Polonisë

Plan rus për bomba në avionë? Çfarë duhet të dini rreth akuzave të Polonisë

16 Janar, 13:07