SHBA- Kur kanë kaluar orë nga atentati i dytë i dyshuar i dështuar ndaj ish-presidentit Donald Trump, aktualisht kandidat republikan për zgjedhjet e 5 Nëntorit në SHBA, detaje të reja mësohen nga ngjarja dhe nuk mungojnë reagimet.
Vetë Donald Trump raportohet se sulmoi Kamala Harris dhe Joe Biden, duke akuzuar retorikën e tyre si përgjegjëse për tentativën për vrasje.
Në një intervistë për “Fox News”, manjati tha se sulmuesi "veproi në valën e gjuhës shumë nxitëse nga demokratët".
Por i dyshuari Ryan Routh, njeriu i akuzuar se tentoi të vriste Donald Trump dje (15 Shtator), nuk qëlloi asnjë plumb në drejtim të ish-presidentit. Sherifi i Palm Beach, Ric Bradshaë e tha këtë në një intervistë me Fox.
Për ngjarjen ka reaguar edhe presidenti Joe Biden.
“Shërbimi Sekret ka nevojë për më shumë ndihmë", tha ai, raporton “La Repubblica”.
Hetimi për tentativën e dyshuar të vrasjes së Donald Trump vazhdon pa pushim dhe është fokusuar tek sulmuesi i mundshëm dhe se si ai e dinte se ku ishte ish-presidenti. Orari ditor i Trump nuk ka qenë publik që kur ai u largua nga Shtëpia e Bardhë dhe ish-presidenti vetëm herë pas here ka gazetarë në ndjekje.
Frika, sipas disa burimeve të raportuara nga mediat, është ajo e një ‘nishani (spiuni) brenda ekipit të Trump’. Megjithatë, supozimi më i mirë është se Ryan Routh pati 'fatin' që ishte në vendin e duhur.
Një çështje tjetër është ajo e sigurisë së ish-presidentit, i cili duke mos qenë më në Shtëpinë e Bardhë, nuk mbrohet më si dikur. E ndërlikon punën e agjentëve shoqërues pasioni i ish-presidentit për ngjarjet në natyrë dhe golfin, gjë që e bën mbrojtjen e tij më komplekse.
Routh mund të paraqitet në gjykatë në orët e ardhshme. Autoritetet ende nuk kanë ngritur akuza kundër tij.
Hetimet tregojnë se sulmuesi i Donald Trump, Ryan Routh, qarkulloi në zonën pranë klubit të golfit të ish-presidentit për 12 orë përpara se të përballej me një agjent të Shërbimit Sekret. Mediat amerikane e raportuan këtë, duke cituar dokumentet e depozituara nga autoritetet në gjykatë.
Prokuroria e SHBA: E vështirë të provohet se Routh synonte Trump
Ryan Wesley Routh, 58 vjeç, mund të mos akuzohet për përpjekje për të vrarë Donald Trump, ose të paktën mund të jetë e vështirë për gjykatën federale të provojë se ish-presidenti ishte objektivi.
Kjo sepse distanca ku ndodhej Routh, në kufi me klubin e golfit West Palm Beach, midis treqind e 450 metra nga Trump, mund të konsiderohet shumë e lartë për të konfirmuar hipotezën e atentatit. Kështu deklaroi Dave Aronberg, avokati shtetëror i Palm Beach, Florida.
Në një intervistë për MSNBC, prokurori pranoi vështirësinë për të paditur të dyshuarin për një krim të lidhur me Trump, ndërsa do të ishte më e lehtë ta akuzonin atë se kishte synuar agjentin e Shërbimit Sekret, i cili e pa dhe e qëlloi kur pa pushkën të drejtuar tek ai.
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Kryediplomati i ardhshëm amerikan, Marco Rubio dhe politika e jashtme
23 Nëntor, 18:05 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03
