Sulmi ne Afganistan, Familja
e Feti Voglit hap dyert e mortit

TIRANE-  Gjëndja e zisë dhe shoku kanë rënë në familjen e kapitenit të ushtrisë Feti Vogli, i cili u vra në krye të detyrës gjatë shërbimit të tij në një mision paqësor në Kandahar të Afganistanit. Të afërt, shokë të Fetiut në fëmijëri dhe ushtri, fashatarë të komunës Baldushk si dhe efektiva të Forcave Speciale Shqiptare, ku bënte pjesë dhe Fetiu, ishin bashkuar me dhimbjen shpirtërore të familjes Vogli.

Dhjetëra persona hynin e dilnin, duke i dhënë ngushëllimet, babait të Fetiut pasi nëna e tij, nuk ishte në gjëndje të qëndronte për të pritur vizitat. Ajo qëndronte në gjëndje shumë të rëndë shëndetësore në një nga dhomat e shtëpisë, ku një mjek i ushtrisë por edhe mjeku i komunës Balgdusht, i jepnin ndihmën mjekësore.

Marja e lajmit kobzi në mënyrë të menjëhershme, i ka gjetur të pa pregatitur njerëzit e shtëpisë, të cilët deri në orën e vona të mbrëmjes së djeshme, nuk kishin bërë as lajmërimin e pjesëtarëve të rrethit farefisnor. Madje xhaxhai i Feti Voglit, Limon Vogli tregon se nuk kanë mundur të njoftojnë as bashkëshorten e Fetiut, Elvën, e cila sipas tij ndodhet në qytetin e Vlorës. "S'kemi si tia themi, ajo mbase e ka marë vesh lajmin për vrasjen, por ne deri tani jemi shumë të tronditur, dhe asnjëri ska marë guximin ta lajmërojë"-shprehet me lot në sy Limon Vogli.
(sg/eq/Shqjptarja.com)