52-vjeçari u vra dje nga punonjësit e policisë, teksa po përpiqej të hynte në godinën e Parlamentit.
Sipas policisë Masood i cili mbante edhe emra të tjerë jetonte në zonën e West Midlands, pranë qytetit të Birmingham ku polici ndërmori edhe një aksion ku arrestoi 8 persona.
Ai nuk ishte dënuar për terrorizëm, por ishte një element i njohur nga shërbimet.
”Masood nuk ishte nën hetim dhe nuk kishte informacione lidhur me qëllimet e tij për sulme terroriste, por ishte element i njohur pasi ishte ndaluar më parë për agression, posedim armësh dhe thyrje të rendit publik”-thuhet në deklaratën e policisë.
Vetë agresori vrau me thikë një polic, dhe shtypi me makinën e tij 2 persona në urën Westminster.
Pak orë më parë kryeministrja May deklaroi se autori ishte një element i njohur radikal për inteligjencën britanike. Po ashtu Shteti Islamik përmes faqes së saj ‘’Amaq’’ mori përsipër sulmin në Londër duke thënë se autor ishte një ushtar i tyre.
Redaksia Online
XH.K.E.M/Shqiptarja.com