Sulmi terrorist në Paris, del para
gjykatës së Brukselit Abdeslam

Gjatë ditës së sotme në Bruksel ka dalë para gjykatës i dyshuari për terrorizëm në Paris Salah Abdeslam. Salah nuk ka shprehur aspak pendesë për pjesëmarrjen në sulmin terrorist ku mbetën 130 njerëz të vdekur.

“Unë nuk kam frikë nga ju,” tha Salah gjatë seancës gjykuese në orët e para të mëngjesit.

Philippe Duperron, i ati i njërit prej viktimave që ishte i pranishëm në seancën e gjyqit u shpreh se shpresonte që 28 vjeçari Salah të ishte penduar dhe të kërkonte falje por jo vetëm që se bëri por qëndroi edhe i qetë.

“Lidhur me Salah, ne shpresuam se ai do pendohej por ai nuk e bëri këtë madje qëndroi i qetë gjatë gjithë seancës së gjykimit, ai provokoi duke thënë se ka frikë vetëm nga perëndia,” deklaroi Philippe Duperron i ati i njërit prej viktimave të stadiumit.

Salah u arrestua 4 muaj pas ngjarjes së Parisit në “Batalcan dhe në Stade de France në nëntor të vitit 2015. 28 vjeçari Salah ishte fshehur te të afërmit e tij në Bruksel, dhe gjatë arrestimit tentoi të largohej me vrap por u neutralizua nga policia duke e u plagosur në këmbë. Tashmë ai po përballet me akuzën për “Akte terroriste” dhe pritet të marri dënimin së shpejti.


Redaksia Online
Xh.F/Shqiptarja.com