Sulmi terrorist në Kabul, Biden mbledh ekipin e sigurisë, Johnson takim urgjent me qeverinë! Macron: Të marrim masa para se situata të bëhet e pakontrollueshme

Pas shpërthimit në Kabul, ku humbën jetën të paktën 60 persona dhe 140 të tjerë kanë mbetur të plagosur, Presidenti i SHBA, Joe Biden ka mbledhur ekipin e sigurisë kombëtare.

Po ashtu edhe kryeministri britanik, Boris Johnson do të mbajë një takim urgjent mbi situatën në aeroportin e Kabulit të enjten pasdite.

Presidenti francez Emmanuel Macron thotë se situata është "përkeqësuar thellësisht". Ai bëri thirrje për kujdes para se situata të bëhet e pakontrollueshme dhe shtoi se situata rreth aeroportit mbetet shumë e rrezikshme.

Macron tha se pavarësisht sulmit, Franca synonte të vazhdonte operacionin e saj të evakuimit, për aq kohë sa mund të garantohej një mjedis i sigurt.

"Për disa ditë Franca, së bashku me aleatët e tjerë, ka bërë maksimumin në këtë situatë, dhe ne do të vazhdojmë ta bëjmë këtë," tha ai.

Lajmi kryesor:

Dy atentate kamikaze jashtë aeroportit në Kabul! ISIS merr përgjegjësinë e sulmit terrorist! 60 të vdekur e 140 të plagosur! Mes viktimave, 12 trupa amerikanë! SHBA: Priten të tjera shpërthime

TAG:
• SHBA
• Afganistan
• Sulm terrorist
• Kabul
• talebanët
• lufta ne afganistan