SHKODER-Zbardhet dëshmia para grupit hetimor e dy personave që u arrestuan për sulmin me thikë ndaj trajnerit të Vllaznisë, Gjoka. Nehat Fojleta 19-vjeç, personi që e goditi me grusht dhe tentoi ta qëllonte me thikë Gjokën ka deklaruar se nuk ka pasur qëllim që ta qëllonte. “Kam debatuar me Ernest Gjokën dhe në konflikt e sipër kam nxjerrë thikën, nuk kam pas qellim ta godas” ka thënë ai para grupit hetimor, pas arrestimit pasditen e djeshme.

Ndërsa Sehar Xhenje 21 vjeç, i arrestuar si bashkëpuntor, pasi e largoi nga vendi i ngjarjes duke e fshehur është shprehur se “kam qenë në makine nuk e di se cfarë është bërë”. Dy personat e arrestuar nuk kanë dhënë emrat se cili ka qenë ai që i ka porositur për të goditur Gjokën para 6 ditësh.

Arrestimi i autorëve, u zbuluan nga kamerat
Blutë e Shkodres prej ditësh ishin në ndjekje të autoreve, ndërkohë që personat e arrestuar janë “tradhtuar” nga kamerat e sigurisë të cilat kanë filmuar cdo gjë, që nga momenti kur agresorët kanë mbërritur në fushën “Reshit Rusi”.

Sehar Xhenje pasi është marrë disa here në pyetje, nga oficeret e policisë së Shkodrës ka deklaruar se ka qene aty, së bashku me një person tjetër duke treguar emrin e Nehat Fojletës, autori i sulmit.

Nehat Fojleta nuk ka pranuar të ketë pasur konflikt me trajnerin Gjoka por pas ballafaqimit me kamerat e sigurisë, ai ka pranuar se ka qenë aty. Ndërsa po vijon puna për të mësuar se cilët kanë qenë ata që kanë porositur sulmin ndaj Gjokës.

d.b/shqiptarja.com