Kryeministri britanik, Rishi Sunak, ka thënë se “epoka e artë” e marrëdhënieve me Kinën ka përfunduar. Në fjalimin e tij të parë për politikën e jashtme, Sunak ka thënë se marrëdhëniet e ngushta ekonomike me Kinën në dekadën e fundit përbëjnë naivitet.
Sipas tij, është koha që Mbretëria e Bashkuar të zëvendësojë shpresën me “pragmatizëm” për t’iu qasur konkurrencës. Megjithatë, Sunak ka paralajmëruar kundër “retorikës së Luftës së Ftohtë”, duke shtuar se ndikimi global kinez nuk mund të injorohet.
Sunak është përballur me presion për të ashpërsuar qasjen ndaj Kinës, që kur ai mori detyrën si udhëheqës i konservatorëve dhe kryeministër i Mbretërisë së Bashkuar muajin e kaluar. Fjalimi, në Banketin e Lordit të Bashkisë në Londër, vjen pas protestave në Kinë gjatë fundjavës kundër ligjeve të rrepta të bllokimit të vendit për Covid.
Sunak tha se përballë protestave, Kina kishte "zgjedhur të godiste më tej", duke përfshirë edhe sulmin ndaj një gazetari të BBC, i cili u arrestua teksa po raportonte. Ai u rrah me shkelma nga policia gjatë arrestimit dhe u mbajt disa orë në qeli.
"Ne e pranojmë se Kina paraqet një sfidë sistematike për vlerat dhe interesat tona, një sfidë që bëhet më e mprehtë ndërsa lëviz drejt autoritarizmit edhe më të madh," tha ai.
Ai shtoi se "epoka e artë" e marrëdhënieve MB-Kinë kishte "mbaruar", së bashku me "idenë naive" se më shumë tregti me Perëndimin do të çonte në reformën politike kineze. Shprehja "epokë e artë" lidhet me lidhjet më të ngushta ekonomike nën ish-kryeministrin David Cameron - por marrëdhëniet midis Londrës dhe Pekinit që atëherë janë përkeqësuar.
Në Kinë po zhvilloheshin protesta kundër kufizimeve të Covid, por duket se janë shuar pas ndërhyrjes së dhunshme të policisë kineze. Një prani e madhe e policisë është raportuar në disa qytete dhe disa tubime u shtypën ose nuk u realizuan.
Lajme të tjera
-
Kina, Meksika dhe Kanadaja reagojnë ndaj kërcënimeve të Trumpit për tarifat tregtare
27 Nëntor, 13:17 -
Trump njofton tarifat tregtare, 25% për Kanadanë dhe Meksikën! 10% për Kinën, kryejnë tarfik droge në SHBA
26 Nëntor, 15:34
-
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03 -
Drejtori i Burgjeve takohet me ambasadorin e Mbretërisë së Bashkuar: Seanca gjyqësore me video-konferenca, synojnë modernizimin e sistemit
21 Nëntor, 15:09 -
Cilat vende e kanë ndaluar TikTok-un dhe pse?
20 Nëntor, 22:33 -
Takimi i G20, përparësi ndryshimet klimatike dhe ulja e varfërisë
20 Nëntor, 16:06 -
Forumi i Bashkëpunimit Ekonomik Azi-Paqësor, Biden takohet me presidentin kinez Xi Jinping
17 Nëntor, 16:30 -
Lidhjet e Koresë së Veriut me Rusinë, në qendër të takimit të fundit të presidentit Joe Biden me presidentin Xi Jiping
16 Nëntor, 20:49 -
I riu vret me thikë 8 persona dhe plagos 17 të tjerë pasi nuk mori dot diplomën
16 Nëntor, 20:21 -
Presidenti Biden pritet të bisedojë me homologun Xi gjatë takimit të nivelit të lartë të APEC-ut
14 Nëntor, 09:08 -
Kina zhvillon stërvitje ushtarake afër Filipineve
13 Nëntor, 16:48 -
Rendi i ri botëror, një botë shumë polare
13 Nëntor, 13:00
