Receta

Supa e parë pas këmbanave për një Pashkë të bekuar nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 14 Prill 2023, 11:42 | Përditesimi: 14 Prill 2023, 11:44

Supë me oriz, jeshillëqe dhe të brendshme qingji

Përbërësit:

Mëlçitë e qingjit të njomë
Zorrët e qingjit të njomë
1 fk vaj ulliri
2 qepë të njoma
2 qepë të thata
2 gjethe sallate ose jeshillëk tjetër
1 tufë koper
1 fk oriz

Për të prerë supën:

LEXO EDHE:
Bakllava me kadaif dhe arra nga zonja Albana

2 vezë
2 limona
Kripë, piper
Koper e grirë

Përgatitja:

Zorrët i vendosim në ujë të vluar që të ziejnë pak bashkë me të brendshmet e tjera. I lemë të ftohen dhe i presim me thikë imët.

Në një tenxhere me yndyrë kaurdisim qepët e njoma të prera hollë (një pjesë bishtash i lemë mënjëanë) dhe qepët e thata të grira imët. Më pas shtojmë mëlçitë dhe zorrët në tenxhere dhe vazhdojmë kaurdisjen. Këtë masë e ndihmojmë me ujë që të ziejnë. Presim mesatarisht jeshillëqet dhe bashkë me orizin i shtojmë në tenxhere.

Të bardhat e vezëve i rrahim si marengë duke i bashkuar me të verdhat e vezëve. E hedhim këtë masë tek supa, shtojmë koper dhe limon duke i përzierë me ngadalë.

MC/Shqiptarja.com

TAG: