Supë dimërore me kos

Përbërësit:

  • 1 e verdhë veze
  • 4 lugë miell (jo me majë)
  • 1 gotë kos
  • 1 gotë ujë
  • 1 gotë lëng mishi
  • 4 thelpinj hudhër
  • 1 lugë vegetë
  • 2 lugë gjalpë
  • Kripë, piper i kuq

Përgatitja:

Në një tas rrahim të verdhën e vezës me miellin derisa të formohet një masë pa kokrriza. Më pas shtojmë kosin, ujin dhe lëngun e mishit, duke i përzier ngadalë që masa të bëhet homogjene. Hedhim përzierjen në tenxhere dhe e vendosim në zjarr të ulët, duke e përzier vazhdimisht që të mos kapet apo të mpikset. Ndërkohë, shtypim hudhrat dhe i shtojmë te supa së bashku me vegetën, pak kripë dhe piper të kuq sipas shijes. Në një tigan të vogël shkrijmë gjalpin dhe sapo të marrë aromë e hedhim sipër supës. E lëmë edhe pak minuta në zjarr që shijet të bashkohen mirë dhe e shërbejmë të ngrohtë.