Receta

Supë magjerica nga zonja Albana / Një supë plot shije për tryezën tuaj të Pashkëve

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 2 Maj, 11:38 | Përditesimi: 2 Maj, 11:39

Supë magjerica

Përbërësit:

250-300 gr të brendshme
50 gr gjalpë
3 lgj oriz
2-3 qepë të njoma
1 kokërr vezë
1/2 limon
1 tufë koper
Kripë, piper i zi

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Të brendshmet e mishit pasi i kemi shpëlarë mirë i përvëlojmë në ujë të vluar i kullojmë dhe i presim në kubikë të vegjël. Në një tenxhere me gjalpë kaurdisim qepët e njoma (kryesisht pjesën e bardhë) derisa të ulin vëllimin, shtojmë më pas të brendshmet dhe vazhdojmë kaurdisjen për pak minuta. Më pas shtojmë pak nga lëngu i zierjes së të brendshmeve dhe orizin. E lemë supën të ziejë për rreth 15 minuta. Rregullojmë shijen me kripë dhe piper dhe më pas e presim me vezë dhe limon. Në fund shtojmë kopër të grirë imët dhe piper të zi kokërr të bluar.

MC/Shqiptarja.com

TAG: