Receta

Supë me brokoli dhe lulelakër nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 23 Janar, 12:17 | Përditesimi: 23 Janar, 12:21

Supë me brokoli dhe lulelakër

Përbërësit:

1 kokë brokoli
1 kokë lulelakër
1 qepë mesatare
2 thelpinj hudhër
2 lgj vaj ulliri ose gjalpë
1 litër lëng perimesh
200 ml qumësht ose pana (opsionale)
Kripë dhe piper sipas shijes
Erëza ose bimë aromatike

Përgatitja:

LEXO EDHE:
Fërgesë me djathë dhe miell misri nga zonja Albana

Lajeni mirë brokolin dhe lulelakrën, më pas i ndajmë në lule të vogla. Në një tenxhere ngrohim vajin ose gjalpin në nxehtësi mesatare dhe kaurdisim qepën derisa të bëhet e tejdukshme. Më pas shtojmë hudhrën dhe e lëmë për rreth 1 minutë derisa të lëshojë aromë. Shtojmë lulelakrën dhe brokolin: Hedhim perimet në tenxhere dhe i përziejmë për 2-3 minuta. Shtojmë lëngun e perimeve dhe e lëmë supën të ziejë për rreth 15-20 minuta derisa perimet të zbuten. Përdorim një blender dore për ta bërë supën kremoze ose mund ta lëmë ashtu siç është. Nëse e duam supën më të kremtë, shtojmë qumësht ose pana dhe e trazojmë mirë. E lëmë të marrë një valë të shkurtër dhe më pas rregullojmë shijen me kripë, piper dhe erëza sipas dëshirës. E shërbejmë supën të ngrohtë me pak majdanoz të freskët ose me copa të vogla buke.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com