Receta

Supë me presh dhe patate nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 9 Maj, 12:07 | Përditesimi: 9 Maj, 12:09

Supë me presh dhe patate

Përbërësit:

450 gr presh (pjesa e bardhë)
450 gr patate
50 gr gjalpë
1.2 litra ujë
600 ml qumësht
300 ml pana
Kripë, piper

Përgatitja:

LEXO EDHE:
Krepa me miell integral nga zonja Albana

Presim preshin në feta dhe patatet në kubikë. Shkrijmë gjalpin në një enë dhe kaurdisim preshin për 10 minuta në zjarr të ulët duke e përzier. Më pas shtojmë patatet, i gatuajmë për 2 minuta duke vazhduar përzierjen. Hedhim ujin, pak kripë, ulni temperaturën e sobës dhe e lëmë supën të ziejë për 15-20 minuta derisa patatet të zbuten. Më pas e largojmë nga zjarri, e lëmë të ftohet dhe e kalojmë në mikser. E shtypim me një lugë druri me një kullesë dhe shtojmë qumështin. Hedhim kripë, piper sipas dëshirës dhe gjysmën e panës. E vendosim supën të ngrohet duke shtuar panën e mbetur dhe e servirim të ngrohtë ose të ftohtë sipas shijes.

MC/Shqiptarja.com

TAG: