Supë me trahana, kos, vezë dhe djathë

Përbërësit:

  • 100 gr trahana
  • 1 litër ujë ose lëng perimesh/mishi
  • 100 gr qepë e grirë imët
  • 200 gr vaj ulliri
  • 200 ml qumësht
  • 100 gr kos
  • 100 gr djathë i bardhë
  • 1 vezë
  • Kripë, piper i zi
  • Pak hudhër pluhur (sipas dëshirës)

Përgatitja:

Në një tenxhere ngrohim vajin e ullirit dhe kaurdisim qepën derisa të zbutet. Shtojmë ujin ose lëngun e mishit dhe kur të marrë valë, shtojmë trahananë. E lëmë të ziejë në zjarr mesatar duke e përzier derisa të trashet (rreth 10–15 minuta). Ndërkohë përgatisim salcën, në një tas përziejmë mirë: qumështin, kosin, vezën dhe djathin e bardhë. Marrim 1–2 garuzhde nga supa e nxehtë dhe e shtojmë gradualisht te përzierja me vezë, duke e përzier shpejt që të mos mpikset veza. Hedhim përzierjen ngadalë në tenxhere, duke e trazuar vazhdimisht. Në fund rregullojmë shijen me kripë, piper dhe pak hudhër pluhur, dhe e servirim supën të ngrohtë.