POP 5

Lajmet më të lexuara të 5 minutave të fundit

Bota

‘Super e marta’/ Republikanët votojnë për kandidatin për president, Trump në garë me Haley

Republikanët po votojnë sot në 15 shtete federale për të zgjedhur kandidatin që do përballet me presidentin Joe Bioen në zgjedhjet e nëntorit. Përballë njëri-tjetrit janë ish presidenti Donald Trump dhe ish ambasadorja e SHBA në OKB Nikki Haley, e cila ka fituar mbështetjen e republikanëve vetëm në Uashington Dc, ndërsa Trump ka fituar në 9 shtete dhe shihet si kandidat kryesor.  

Në 15 shtete federale të SHBA republikanët votojnë sot për kandidatin e tyre që do sfidojë presidentin aktual Joe Biden në zgjedhjet e nëntorit. Ish-presidenti, Donald Trump që synon të kthehet në Shtëpinë e Bardhë ka fituar garën në 9 shtete të tjera, nga 10 që janë zhvilluar tashmë. Kandidatët e tjerë republikanë janë tërhequr nga gara, vetëm Nikki Haley vazhdon të luftojë rivalin e saj, Trump, dhe fitoi garën e vetme në Uashington DC. Nëse Haley nuk fiton në zgjedhjet e super të martës pritet që ajo të mbyllë garën për t’u nominuar si kandidate presidenciale e republikanëve për Shtëpinë e Bardhë. Dhe sondazhet e deritanishme e favorizojnë atë. Tek demokratët, Joe Biden vazhdon të fitojë zgjedhjet paraprake, sepse nuk ka kandidatë që e rrezikojnë.

Siç duken të gjitha zhvillimet në nëntor, do të kemi përsëritjen e duelit të vitit 2020, Trump-Biden, por sipas sondazheve kjo nuk shihet pozitivisht nga votuesit amerikanë, shumica e të cilëve i shohin si shumë moshuar, si Biden ashtu edhe Trump. Sidomos Biden, që tani presidenti më i moshuar i SHBA ka rënë në sy për shkak të harresave e disa ngatërrimeve gjuhësore.

Në votimet e Uashington DC Haley mori 62.9 për qind të votave, ndërsa ish-presidenti amerikan Trump mori vetëm 33.2 për qind. Kjo fitore i jep asaj vetëm 19 nga 1215 votat elektorale të nevojshme për nominimin. Trump fitoi tetë zgjedhjet e para me diferencë të madhe. Sipas sondazheve, ish-presidenti do të vazhdojë të fitojë pothuajse të gjitha zgjedhjet paraprake.

Pyetet që shtrojnë analistët janë nëse në rast humbjeje Niki Haley do ta mbështesë Trump, siç kanë bërë rivalët e saj presidencialë dhe nëse do shihte mundësinë e një kndidaimi të pavarur për presidente, dhe nëse po mendon për një kandidim presidencial në 2028.

Nga ana tjetër pengesa më e rëndësishme për presidentin Biden deri më tani nuk ka qenë një kundërshtar, por  bindja se politika e tij e luftës në Gaza po mbyll një sy ndaj asaj që kritikët e konsiderojnë si gjenocid palestinez që Izraeli e mohon me forcë.

SI.E./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça